Hestia

Eus Wikipedia
Mont da : merdeiñ, klask
Vesta Giustiniani, mirdi Torlonia (Roma)

Hestia (Ἑστία / Hestía e gregach) eo doueez an tan sakr hag an oaled. Merc'h henañ Kronos ha Rea eo-hi, c'hoar eo da Zeus, Poseidon, Hades, Hera ha Demeter. A remziad eo gant ar re a anver daouzek doue an Olimp a dra sur, koulskoude ne vez ket kontet atav e-touez daouzek doue an Dodekatheon.

Vesta e oa hec'h anv hervez ar Romaned.

Pa bignas he breur Zeus war gador roue an doueed, e roas da Hestia, evel da Artemis pe Atena, ar galloud da virout he gwerc'hded da viken, a-benn en em ziwall diouzh karantez Apollon ha Poseidon.

N'eus hogos mojenn ebet a vije stag ouzh an doueez-se. Ne gemer perzh ebet e tabut ebet, ar pezh a ra anezhi un esparadenn e-touez Olimpiz. Mirout a ra Zeus druzoni an aberzhioù dezhi.

Kehelerezh[kemmañ]

Personeladur an oaled eo Hestia, ar flammenn sakr a zev dibaouez en tier hag en temploù, hag a c'hlana anezhe. Azeulet eo evel gwarezerez ar familhoù, ar c'heodedoù hag an trevadennoù.

Pa felle d'ar C'hresianed diazezañ un drevadenn e kasent gante tan Hestia, kemeret e templ ar vetropolenn a-benn enaouiñ oaled o c'heoded nevez. Evel se e arouez Hestia ivez hollbadusted ar sevenadurezh hag ar relijion.

Kement pred a oa a groge hag a echue gant ur prof da Hestia.

Lec'hioù kehelerezh pennañ ha santualoù[kemmañ]

  1. Aten, kêrbenn an Attika (kreisteiz Henc'hres) ;
  2. Oropos, kêr eus an Attika ;
  3. Hermione, keoded eus Argolis (kreisteiz Henc'hres);
  4. Sparta, kêrbenn Lakonia (kreisteiz Henc'hres) ;
  5. Olimpia, santual Elis (Élide, kreisteiz Henc'hres) ;
  6. Larisa, kêrbenn al Lapited (Tesalia, hanternoz Henc'hres) ;
  7. Enez Tenedos, (Mor Egea).

Ikonografiezh[kemmañ]

Peurliesañ e veze diskouezet en he sav gant Hellaziz, gwisket en un doare eeun, ganti ur ouel war he fenn.

An tan eo hec'h arouez.


Mammennoù[kemmañ]

Gwelet ivez[kemmañ]


Commons
Muioc'h a skeudennoù diwar-benn

a vo kavet e Kerandafar.

An Dodekatheon
Zeus | Hera | Poseidon | Hestia | Demeter | Afrodite
Athena | Apollon | Artemis | Ares | Hefaistos | Hermes