Feunteun

Diwar Wikipedia, an holloueziadur digor

Ur feunteun zo un eienenn kempennet gant an dud peurliesañ, a-benn gallout dastum an dour a zeu e-maez an douar. Mein benerezh a vez tro-dro peurvuiañ evit reiñ hent d’an dour, hag ur poull a vez ivez alies. Er feunteunioù nevesoc’h e vez graet gant dafar all ivez.

Brudet e veze ar feunteunioù gwechall evit o dour, a oa ken prizius d’an dud, evit evañ, doura o loened, en em walc’hiñ, gwalc’hiñ o dilhad…

Taolenn 1 E Breizh-Izel 2 Er c'hêrioù 3 Levrlennadur 4 Feunteunioù 4.1 E Breizh 4.1.1 Feunteunioù kozh Breizh Izel 4.1.2 Feunteunioù kêrioù Breizh 4.2 E broioù all

[kemmañ] E Breizh-Izel

Lod eus ar feunteunioù e Breizh a veze kontet da vezañ « sakr », abalamour da berzhioù o dour : pareañ a raent a bep seurt kleñvedoù a-hervez. Ha diwar se e oa kredennoù ha boazioù stag ouzh pep feunteun. War ar maez e vez anv ur sant war ar feunteun alies, hag ur chapel e-kichen.

[kemmañ] Er c'hêrioù

Savet ez eus bet feunteuniù disheñvel er c'hêrioù bras evit bravaat al leurgêrioù. Darn zo graet evit degas un tamm freskijenn d'an dud ouzhpenn: e kêrioù zo e c'haller mont da gerzhout e poull ar feunteun. Feunteunioù zo a zo evel c'hoarielloù gant livioù ha stummoù a bep seurt, pa ne glaskont teurel dour uhelañ ma c'hallont.

[kemmañ] Levrlennadur

• Albert Poulain ha Bernard Rio, Fontaines de Bretagne, Yoran Embanner
• Mikael Madeg, Feunteunioù brudet e Bro-Leon, Emgleo Breiz (hag un droidigezh e galleg, met berroc’hik : Découvrir les fontaines du Léon, e ti Emgleo Breiz ivez)

[kemmañ] Feunteunioù

[kemmañ] E Breizh

[kemmañ] Feunteunioù kozh Breizh Izel

Feunteun Sant Jakez e Tremeven e Goueloù	Feunteun Sant Gouenou e Gouenoù, e Leon	Feunteun e Lokorn, e Kerne-Izel	Feunteun Sant Urloù e Langedig
Feunteun en Enizenac'h	Feunteun Sant Gweltaz e Lokentaz, e Bro-Gwened	Ur feunteun gozh (ha dianv) e Langiwa, Ploneour-Lanwern

[kemmañ] Feunteunioù kêrioù Breizh

Feunteun e Konk-Kerne	Ar feunteun Lerat e-kreiz Gwerzhav, e Bro-Naoned	Delwenn savet d'ar stêr Liger e feunteun al Leurgêr Real e Naoned	Feunteun al Leurgêr Real e kreiz-kêr Naoned abaoe sklêrijennet en 2007
Feunteun plasenn ar Frankiz e Brest

[kemmañ] E broioù all

Aostria: Feunteun e Wattens.	Arabia Saudi: feunteun ar Roue Fahd, e Jeddah, en an uhelañ er bed gant dour taolet betek 312 metrad uhelder.	Bro-C'hall:Poull Apollon e park kastell Versailhez	India: Flora Fountain, pe Feunteun Flora, e Mumbai. Feunteun savet e 1864 gant ar Saozon d'an doueez roman Flora.
Italia: Feunteun Trevi e Roma	Pakistan: trede uhelañ feunteun ar bed e Karachi	Spagn: Feunteun al leoned, e palez an Alhambra, e Granada	SUA:Feunteun Buckingham e Chicago
Suis: feunteun e Geneva	Feunteun en Alpoù Suis. E kornioù zo e kaver c'hoazh feunteunioù ha dour mat da evañ.