Eienenn

Diwar Wikipedia, an holloueziadur digor

Mont da : merdeiñ, klask
Un eienenn e Mackinac Island, war al Lenn Huron er Stadoù Unanet.
Un eienenn voull, hini ar Buèges
Eienenn ar Jaur, e Saint-Pons-de-Thomières.

Un eienenn a zo ul lec'h ma teu an dour e-maez an douar. Lod zo bet kempennet gant an dud ha graet e vez feunteunioù anezho.

Dont a ra dour an eien da gemer stumm ur ruzelenn peurvuiañ, pe ur wazh, a-raok mont da stêr a-wechoù. Met gallout a ra an eien bezañ er mor ivez, pe stok outañ. Gallout a ra o dour bezañ lonket en douar kenkent ha difluket e-maez.

Taolenn

[kemmañ] Relijion

Er relijion pagan e veze enoret an eien, hag hervez mojennoù Hellaz kozh int leun a nimfenned.

[kemmañ] Istor

Brudet eo bet an ergerzherien, evel Richard Burton, a glaskas war-lerc'h eienenn an Nil.

[kemmañ] Lennegezh

Gant dodenn an eien, hag ar c'hlask anezho, eo bet awenet ar skrivagnerien, evel Marcel Pagnol, gant e romant L'Eau des collines.

[kemmañ] Gerioù kar

  • Eien zo un anv-stroll, eienenn en unander eta;
  • Eienañ, pe eienennañ eo ar pezh a ra ur stêr pa deu e-maez an douar;
  • Eienek eo Menez Are, rak meur a eienenn zo ennañ.
  • Eienus pe eienennus eo douaroù Menez Are, kement a zour zo enne.
Adtapet diwar "http://br.wikipedia.org/wiki/Eienenn"