Riwanon Kervella

Eus Wikipedia
Aller à la navigation Aller à la recherche
Riwanon Kervella, renerez Skol Ober ha Kuzul ar Brezhoneg

Riwanon Kervella (Landreger, miz Kerzu 1950) zo prezidantez Kuzul ar Brezhoneg goude bezañ bet renerez Skol Ober.
Skrivet uhe deus un toullad traoù ha troet kalz a bennadoù hag a zanevelloù. Oberiant eo ivez e kevredigezh ar C'hendalc'h Keltiek.

Buhez[kemmañ | kemmañ ar vammenn]

Ganet eo bet e Landreger, met bevet he deus he bugaleaj e Lannuon. Merc'h eo d'ar yezhadurour Frañsez Kervella ha d'e bried Ivetig an Dred-Kervella. Emañ o vevañ bremañ en ur bourkig a Vro-Dreger.

Studiet he deus saozneg ha brezhoneg e Roazhon ha bet eo e Kembre e-pad bloaz, m'he doa labouret. Bet he deus ivez ur vestroniezh war ar brezhoneg. Kelennet he deus brezhoneg e skol-veur Gaillimh en Iwerzhon e-pad bloaz.

Abaoe 1977 e ra war-dro Skol Ober, koshañ skol dre lizher e Breizh evit deskiñ brezhoneg. Hizive ez eus 400 den a laka o anv bep bloaz e Skol Ober ha 42 gelenner a-youl-vat a vez ouzh o sikour da zeskiñ pe da beurzeskiñ yezh ar vro.

Gant ur mignon, Maoris Joubin, he deus savet an ti-embann An Alarc'h e 2003 hag embannet e vez ganto meur a levr brezhonek bep bloaz.

Labourat a ra memestra gant meur a di-embann brezhonek dre he c'harg e Kuzul ar Brezhoneg, un digarez da gejañ gant tud a bep seurt, danvez skrivagnerien en o zouez.

Atersadenn[kemmañ | kemmañ ar vammenn]

  • Peseurt sell zo ganeoc'h war al lennegezh vrezhonek ?
RK : "Al lennegezh vrezhonek zo fonnus a-walc’h, n’eus bet koulz lavaret troc’h ebet en istor ar yezh skrivet a-hed ar c’hantvedoù. Dre al lennegezh e komprener istor Breizh ha hini ar bobl, an darvoudoù a zo bet c’hoarvezet ha temz-spered an dud da vareoù resis. Gwerzioù kozh sant Telo pe sant Ronan, koulz hag ar Rannoù a gaver er Barzhaz Breizh, pe c’hoazh kalz tostoc’h ouzhimp, skridoù Jakez Riou pe Jarl Priel a chomo bev da viken hag a vo lennet bepred gant ar memes plijadur."
  • Eus pelec'h e teu deoc'h an dedenn evit ar brezhoneg ? Hag evit ar skridoù e brezhoneg ?
RK : "Pa oan bihan e oa levrioù tro-dro din ha lennet em eus bet a bep seurt traoù disheñvel e brezhoneg hag e galleg. Brezhoneg e oa yezh an ti setu e oa un dra naturel komz, lenn ha skrivañ e yezh ar vro. Chañs am eus bet d’anavezout meur a skrivagner ha skrivagnerez e brezhoneg ha pa anavezer an dud e vez muioc’h a c’hoant da lenn o skridoù."

Oberennoù[kemmañ | kemmañ ar vammenn]

Troidigezhioù
  • Gwerz ar Guardia Civil Espanola diwar Federico García Lorca
  • Kontadennoù gant Musaeus
  • Breizh Thriller, ul levr skrivet gant skolajidi eus Roazhon.
Pennadoù en Al Liamm
  • Niv. 131, p. 424 : pennad studi, Ar romantoù polis
  • Niv. 153, p. 284 : barzhoneg Skrivañ 'reer ur varzhoneg... troet diwar Roberto Fernandez Retamar
  • Niv. 157, p. 110 : barzhoneg Gwerz ar Guardia Civil Espanola"" troet diwar Federico García Lorca
  • Niv. 161, p. 413 : barzhoneg Ma soudardez, troet diwar Roberto Fernandez Retamar
  • Niv. 169, p. 88 : danevell, Glav ha daeroù
  • Niv. 175, p. 99 : danevell, Taolennig iwerzhonat.
  • Niv. 177, p. 235 : barzhoneg Selaou, breur gwenn, troet diwar Atahualpa Yupanqui
  • Niv.356, p. 53 : danevell Plac'h al lenn, troet diwar Robin Gwyndaf
  • Niv.359, p. 19 : barzhoneg Barzhonegoù Glenmor, troet diwar Glenmor
Levrioù
Flag of Brittany.svg Porched Breizh – Adkavit pennadoù ha rummadoù Wikipedia a denn da Vreizh.