Llanllyfni

Iliz Llanllyfni.

Llanllyfni zo ur gêriadenn hag ur gumuniezh e kontelezh Gwynedd, e hanternoz Kembre. Emañ e Dyffryn Nantlle. Er gumuniezh emañ kêriadennoù Drws-y-coed, Nantlle, Nasareth, Nebo, Penygroes, Talysarn ha Llanllyfni he-unan. Gant an Afon Llyfni eo dispartiet Penygroes diouzh Llanllyfni.

Gouestlet eo iliz ar gêriadenn da sant Rhedyw. Kontañ a reer e voe ganet Rhedyw en Arfon hag e teuas da vout beleg en Augustodunum (Autun hiziv) e Galia. Lidet e vez gouel sant Rhedyw bep bloaz e Llanllyfni, d'ar 6 a viz Gouere.

E 2011 e oa 4 135 a dud o chom e Llanllyfni ha 3 156 anezho a oa kembraegerien (79,2%).

Tud brudet

• Silyn Roberts, barzh ha stourmer sokialour
• Mathonwy Hughes, barzh ha kazetenner
• Bryn Fôn, kaner hag aktor
• Bryn Terfel, kaner opera

Liamm diavaez

• Istor ar gêriadenn e lec'hienn Dyffryn Nantlle