Listennad gerioù gourel ha gwregel
A-wechoù e fazier war jener gerioù zo e brezhoneg, hag alies e vez ar memes re. Graet eo ar pennad-mañ evit skoazellañ an dud .
Gerioù gourel
[kemmañ | kemmañ ar vammenn]Setu un toullad anvioù gourel:
- alc'hwez, ankou, asied (ha neuze asiedad), bank, banne, bloaz (ha neuze bloavezh), boued, brezel, dant, deiz (ha neuze devezh), dorn, douar, dour, erminig, genoù, glav, glesker, golo, goulenn, goulou, gouriz, gwaz, istor, kaoc'h, karr, kig, kleñved, klopenn, kraou, kroc’hen, lez (ribl), liv, lizher, lost, maen, marchosi, medisinerezh, menez, moged, mor, nerzh, orin, penn (ha pennad), peoc'h, plankenn, politikerezh, preder, prenestr, respont, ribl, seurt, skeud, stumm, tas, teod, ti, to, tour, ufern, yec’hed.
- Setu perak e vez lavaret: ur bloavezh, daou vloaz, ur goulenn mat, ur maen kalet, ar politikerezh, un teod mat, tri zi bras.
Gerioù gwregel (benel)
[kemmañ | kemmañ ar vammenn]Setu un toullad anvioù gwregel, pe venel:
- aber, aod, arc’h, bag, bazh, bran, brec’h, bro, c’hwezh (an hini a glever dre ar fri), furm, fuzuilh, gad, gaol, geriaoueg, gwaz (evn) , gwazh, gwerenn, gwern, gwezenn, kalon, karreg, kazeg, klaoustre, kont (eus ar verb kontañ), kontell, koukoug, maneg, mantell, ment, micher, milin, moger, moualc'h, naoz, paner, plijadur, roc’h, siell, skouer, stad, toenn, tro.
- Setu perak e vez lavaret: un dro vihan, ar Roc’h Velen, ar skouer vat, ur vantell wenn, div vro vras, ur vag vrav.
Gerioù gourel amañ, benel ahont
[kemmañ | kemmañ ar vammenn]Gerioù zo, hag a vez gourel peurvuiañ a c'hall bezañ benel e rannyezhoù zo :
- ur barzhoneg, pe ur varzhoneg[1];
- ur boazamant, met ur voazamant dindan bluenn Yann-Vari Berrot (An Aotrou Kerlaban, 1922);
- ar brud, pe ar vrud[2];
- ar glac'har, pe ar c'hlac'har e yezh Leon;
- ar gouarnamant, met ar c'houarnamant e yezh Leon;
- un istor berr hervez tud zo, un istor verr hervez lod all[3];
- ar memor, pe ar vemor[1];
- ar priz, met ar briz e yezh Treger, hervez Jules Gros ha Jakez Konan[4],[5];
- an trouz, met an drouz e yezh Treger, hervez Fañch an Uhel ha Jules Gros[6], met skouerioù skrivet a gaver ivez e yezh Gwened.
Notennoù
[kemmañ | kemmañ ar vammenn]- ↑ 1,0 ha1,1 An eil pe egile, hervez Geriadur brezhoneg An Here, 2001.
- ↑ Gwregel e Le Trésor du Breton parlé, gant Jules Gros, eil levrenn, eil embannadur 1977, pajenn 68.
- ↑ Gourel e Geriadur brezhoneg An Here, 2001, hag e Geriadur Hemon-Huon, Al Liamm, 1978, 1993, 2005.
- ↑ E Trésor du Breton Parlé, gant Jules Gros, eil levrenn, pajenn 432, eil embannadur 1977.
- ↑ E Pikou, mab e dad, gant Edouarzh Ollivro, lakaet e brezhoneg gant Jakez Konan, 1983. Lenn a c'haller, pajenn 319: "Priz: gwregel e Treger".
- ↑ E Trésor du Breton Parlé, gant Jules Gros, eil levrenn, pajenn 550, eil embannadur 1977.
Levrlennadur
[kemmañ | kemmañ ar vammenn]- Yezhadur bras ar brezhoneg, gant Frañsez Kervella. Skridoù Breizh - Ar Baol. 1947, Al Liamm, 1976, 1995.
- Trésor du Breton Parlé, gant Jules Gros
- Grammaire du breton contemporain, Francis Favereau.
Liammoù diavaez
[kemmañ | kemmañ ar vammenn]