Aber

Anv ur gelaouenn vrezhonek eo Aber ivez.

Lenn-vor Brest hag aber an Elorn

An aber (anv gourel pe venel) eo lodenn izelañ ha ledanañ genoù ur stêr, ma teu ar mor enni, setu perak e vez izeloc'h pe uheloc'h an dour ennañ diouzh ma vez tre pe lanv.

N'eo ket heñvel ar gwel war an aber hervez liveoù al lanv : leun-chouk gant an dour pa ya al lanv en e live uheloc'h ha peuzgoullo ha lec'hidek d'an izelvor. Peurliesañ e vez aberioù brasoc'h ha hiroc'h war an aodoù roc'hellek ha pa vez bras al liveoù diwar tro al lanv.

Ur pouez bras a ya gant an aberioù e-keñver o rolloù armerzhel hag ekologiezhel.
E penn uhelañ an aberioù e kaver alies ar perzhier pennañ, evel e Breizh. War o genoù emañ staliet perzhier ivez. Meur a gêr a vez staliet war daou du un aber.
War riblennoù an aber hag e-barzh an aber e-unan e kaver takadoù gleb, lec'hioù buhezek eus ar gwellañ. Eno e vev amprevaned, buzhug, laboused hag meur a grigner. Eno e vev pesked ha kregin hag ur roll dibar o deus an takadoù gleb evit ar beskerezh.

Stêranvadurezh[kemmañ | kemmañ ar vammenn]

Ar ger aber a gaver en un nebeud anvioù stêrioù e Bro-Leon hag e Bro-Gerne, ha muioc'h c'hoazh e Kembre. Un toullad anvioù a gaver e Bro-Skos ivez. Unan zo e Bro-Saoz : an Humber.

Breizh[kemmañ | kemmañ ar vammenn]

An Aber en Arzhon, Bro-Gwened
Aberig Kersent e Landunvez
An Aber e Kraozon
An Aber-Benniget (a-wechoù an Aber-Benead) e Lanniliz
An Aber-Ac'h
An Aber-Ildud
An Aberig e Porsal
An Aber, ul lec'h etre Rosko ha Santeg

Kembre[kemmañ | kemmañ ar vammenn]

Aber a gaver e kalz anvioù-lec'hioù, met kember eo ar ster alies p'e gaver en douaroù, evel en Aberhonddu ;
Aber a lavarer dre verrdro eus Aberystwyth hag Abergwyngregyn.