Eliant

Eliant
Kumun eus Breizh
An iliz-parrez
Anv gallek (ofisiel)	Elliant
Bro istorel	Kernev
Melestradurezh
Departamant	Penn-ar-Bed
Arondisamant	Kemper
Kanton	Rosporden (betek 2015) Konk-Kerne (abaoe 2015)
Kod kumun	29049
Kod post	29370
Maer Amzer gefridi	René Le Baron 2014-2020
Etrekumuniezh	Konk-Kerne Tolpad-kêrioù
Bro velestradurel	Bro Gerne
Lec'hienn web	Ti-kêr
Poblañsouriezh
Poblañs	3 175 ann. (2015)
Stankter	45 ann./km²
Douaroniezh
Daveennoù lec'hiañ	47° 59′ 44″ Norzh 3° 53′ 19″ Kornôg 47° 59′ 44″ Norzh 3° 53′ 19″ Kornôg
Uhelderioù	kreiz-kêr : 82 m bihanañ 47 m — brasañ 105 m
Gorread	70,30 km²
Eliant

Eliant a zo ur gumun eus Bro-Gerne, e kanton Konk-Kerne, e departamant Penn-ar-Bed, e mervent Breizh.

Broig

Emañ Eliant e Bro ar Veleniked.

Istor

Ragistor

War a seblant e oa bet tud o vevañ en Eliant adalek Henoadvezh ar Maen, war-dro 50 000 a-raok Jezuz-Krist.

Krennamzer

• Er VI^vet ha VII^vet kantved e teuas tud eus Hanternoz Kembre da vevañ hag annezañ a rejont e lec'h m'emañ ar bourk bremañ. Dont a ra an anv Eliant eus ar mare-se. Meur a zisplegadur a zo: diwar anv Sant Elian a oa deuet eus Kembre, diwar familh Lanellian er memes korn-bro, diwar un eil poull "an eil yen"...
• Da vare an Azginivelezh e voe savet manerioù ha chapelioù evel hini Treanna, bet savet er bloavezhioù 1480.

• 

  Louis Duveau: Bosenn Eliant (1849, Mirdi an Arzoù-kaer, Kemper)

• Er XV^vet kantved e varvas tost an holl annezidi diwar ar vosenn. Ouzhpenn 7 000 a annezad a oa o chom en Eliant neuze. Dastumet e voe ur werz anvet "Bosenn Eliant" gant Kervarker, a daolenn an darvoud-mañ en e zastumad Barzhaz Breizh.

XVIII^vet kantved

• E-pad an diskaramzer hag ar goañv 1787-1788 e teu da chom er presbital gant an abad Laenneg e niz, Reun Laenneg, a zeuas da vezañ medisin meur hag ijiner ar selaouenner.

Dispac'h Gall

• Dekred eus ar 26 a viz Du 1790 war al le ret: e penn-kentañ 1791 e voe graet al le ouzh ar Roue, ar vro hag al lezennoù gant Guino, person; nac'het e voe gant Coden, kure.

Monumantoù ha traoù heverk

• 

  An iliz.

• Iliz katolik Sant Jili.

Savet e oa bet iliz gentañ Eliant en XV^vet kantved. Adsavet e voe er XVII^vet kantved, ha tour an iliz etre 1660 ha 1669. Unan eus tourioù-iliz uhelañ e Bro-Gerne eo (50 m uhelder). Adsavet e voe ar peurrest etre 1700 ha 1712.

• Peulvan Kozhkêr Vaen
• Chapel Sant-Mikael
• Chapel Itron Varia ar Wir Sikour
• Chapel Treanna
• Chapel Santez-Marc'harid
• Taol-vaen Keringard
• Liorzhoù ar presbital

Emdroadur ar boblañs abaoe 1962

Niver a annezidi

Melestradurezh

• Ezel eo Eliant eus Kumuniezh kumunioù Bro Konk-Kerne.

Brezhoneg

Ya d'ar brezhoneg

• D'ar 24 a viz Mae 2013 e oa bet votet ar garta Ya d'ar brezhoneg gant kuzul-kêr ar gumun.
• E distro-skol 2017 e oa bet digoret ur c'hlas divyezhek e skol bublik ar gumun. 58 skoliad o doa lakaet o anv (17,3 % eus skolidi ar gumun evit a sell ouzh ar c'hentañ derez).

Tud

Tud ganet eno

• 1926 : Gwilhou Kergourlez, skrivagner

Gevelliñ

Bro	Kêr	Abaoe
Iwerzhon	An Creagán-Maigh Locha	1997

Div barrez amezek eus kontelezh Gaillimh eo An Creagán ha Maigh Locha. Er penn-kentañ e ranke kumun Tourc'h, hag hi sko ouzh Eliant, kemer perzh er gevelliñ, met n'eo ket deuet a-benn ar raktres.

Liammoù diavaez

• Lec'hienn ofisiel ar gumun
• (br) Eliant war lec'hienn Geobreizh