Eliant

Eliant
An iliz-parrez
Anv gallek (ofisiel)	Elliant
Bro istorel	Kernev
Melestradurezh
Departamant	Penn-ar-Bed
Arondisamant	Kemper
Kanton	Rosporden (betek 2015) Konk-Kerne (abaoe 2015)
Kod kumun	29049
Kod post	29370
Maer Amzer gefridi	René Le Baron 2014-2020
Etrekumuniezh	Konk-Kerne Tolpad-kêrioù
Bro velestradurel	Bro Gerne
Lec'hienn Web	Ti-kêr
Poblañsouriezh
Poblañs	3 379 ann. (2022)
Stankter	48 ann./km²
Douaroniezh
Daveennoù lec'hiañ	47° 59′ 44″ Norzh 3° 53′ 19″ Kornôg
Uhelderioù	kreiz-kêr : 82 m bihanañ 47 m — brasañ 105 m
Gorread	70,30 km²
Eliant

Eliant zo ur gumun e Bro-Gerne, e kanton Konk-Kerne, e departamant Penn-ar-Bed, e mervent Breizh.

Anv

Stummoù skrivet

• Erwan Vallerie (1995) ː Elgent, 1084, 1107 ; Elgen, 1210 ; Elgient, 1350 ; Elyent, 1368 ; Elyen, 1368 ; Elyent, 1408 ; Elient, 1454, 1516 ; Elyent, 1536 ; Eliant, 1630, 1636 ; Elian, 1654.

Gerdarzh

War a seblant ː el-gent (= gouen) ; anv-den ?

Ardamezioù

En aour e vailhenn en geot, e gab en argant karget gant pemp brizhenn erminig en sabel.

• Aozer ː Yves Clerc'h.

Broig

Emañ Eliant e Bro ar Veleniked.

Istor

Ragistor

War a seblant e oa bet tud o vevañ en Eliant adalek Henoadvezh ar Maen, war-dro 50 000 a-raok Jezuz-Krist.

Krennamzer

• Er VI^vet kantved hag er VII^vet kantved e teuas tud eus Hanternoz Kembre da vevañ hag annezañ a rejont e lec'h m'emañ ar bourk bremañ. Dont a ra an anv Eliant eus ar mare-se. Meur a zisplegadur a zo: diwar anv Sant Elian a oa deuet eus Kembre, diwar familh Lanellian er memes korn-bro, diwar un eil poull "an eil yen"...
• Da vare an Azginivelezh e voe savet manerioù ha chapelioù evel hini Treanna, bet savet er bloavezhioù 1480.
• Er XV^vet kantved e varvas tost an holl annezidi diwar ar vosenn. Ouzhpenn 7 000 a annezad a oa o chom en Eliant neuze. Dastumet e voe ur werz anvet "Bosenn Eliant" gant Kervarker, a daolenn an darvoud-mañ en e zastumad Barzhaz Breizh.

• 
  Louis Duveau : Bosenn Eliant (1849, Mirdi an Arzoù-kaer, Kemper)

XVIII^vet kantved

• E-pad an diskaramzer hag ar goañv 1787-1788 e teu da chom er presbital gant an abad Laenneg e niz, Reun Laenneg, a zeuas da vezañ medisin meur hag ijiner ar selaouenner.

Dispac'h Gall

• Dekred eus ar 26 a viz Du 1790 war al le ret: e penn-kentañ 1791 e voe graet al le ouzh ar Roue, ar vro hag al lezennoù gant Guino, person; nac'het e voe gant Coden, kure.

XX^vet kantved

Brezel-bed kentañ

• Mervel a reas 174 gwaz eus ar gumun, da larêt eo 4,32% eus ar boblañs e 1911, abalamour d'ar brezel.

Eil brezel-bed

• Merval a reas 28 den ag ar gumun abalamour d'ar brezel.

Brezelioù didrevadennañ

Brezel Indez-Sina

• Mervel a reas ur milour eus ar gumun e miz Gouhere 1953 en Hanoi en Tonkin er Viêtnam.

Brezel Aljeria

• Mervel a reas daou vilour eus ar gumun.

Monumantoù ha traoù heverk

• 
  Karn Bara Hir
• 
  Karn Bara Hir

• Karn Keringard.
• Peulvan Kozhkêr Vaen.

• 
  An iliz katolik Saint-Gilles

• Iliz katolik Sant Jili. Savet e oa bet iliz gentañ Eliant en XV^vet kantved. Adsavet e voe er XVII^vet kantved, ha tour an iliz etre 1660 ha 1669. Unan eus tourioù-iliz uhelañ e Bro-Gerne eo (50 m uhelder). Adsavet e voe ar peurrest etre 1700 ha 1712.
• Chapel Sant-Mikael
• Chapel Intron Varia ar Wir Sikour.
• Chapel Treanna.
• Chapel Santez Marc'harid.
• Liorzhoù ar presbital.
• Monumant ar re varv, luc’hskeudenn. Dioueliet e voe d’ar 31 a viz Gouhere 1921.

Emdroadur ar boblañs abaoe 1962

Niver a annezidi

Melestradurezh

• Ezel eo Eliant eus Kumuniezh kumunioù Bro Konk-Kerne.

Brezhoneg

• E distro-skol 2012 e oa bet digoret ur c'hlas divyezhek e skol bublik ar gumun. E distro-skol 2024, 59 skoliad o doa lakaet o anv (19,2 % eus skolidi ar gumun evit a sell ouzh ar c'hentañ derez).

Ya d'ar brezhoneg

• D'ar 24 a viz Mae 2013 e oa bet votet ar garta Ya d'ar brezhoneg gant kuzul-kêr ar gumun.

Tud

Tud bet ganet eno

• 1926 : Gwilhou Kergourlez, skrivagner.

Ardamezeg ar familhoù

de Kerloaguen Aotrounez Pratanras, ha Kervastard En argant e erez dispak en sabel, iziliek ha pigosek en gul. Sturienn ː Sans effroy ("Dizaon")

Gevelliñ

• An Creagán-Maigh Locha,  Iwerzhon (1997)

Div barrez amezek e kontelezh Gaillimh eo An Creagán ha Maigh Locha. Er penn-kentañ e ranke kumun Tourc'h, hag hi sko ouzh Eliant, kemer perzh er gevelliñ, met n'eo ket aet ar raktres da benn.

Levrlennadur

• Elliant, Tourc'h - deux communes dans la Révolution, JEan-François Douguet

Liammoù diavaez

• Lec'hienn ofisiel ar gumun
• (br) Eliant war lec'hienn Geobreizh