Bryggen

Eus Wikipedia
Bryggen, savadurioù savet goude 1702

Bryggen (norvegeg a dalvez kae), anavezet ivez gant an anv Tyskebryggen (Ar c'hae alaman) a zo unan eus savadurioù kenwerzh Kevre Hansa a zo e ribl kleiz ar fjord a zo e Bergen, Norge. Abaoe 1979 emañ war Roll Glad ar Bed (UNESCO). Orin anv al lec'h a zo heñvel ouzh hini Brugge e Flandrez.

E 1070 e voe savet kêr Bergen. An dachenn m'emañ Bryggen hiziv an deiz eo lodenn goshañ kêr. E-tro 1360 e voe savet ur c'hontor gant tud Kevre Hansa eno, ha gwellaet e voe ar c'hae peogwir e oa deuet kêr da vezañ a-bouez a-fet kenwerzh. Tamm-ha-tamm e voe implijet savadurioù Bryggen gant kenwerzhourien Kevre Hansa, ha leuniet e vezent gant madoù liesseurt, dreist-holl pesked eus norzh Norvegia hag ed eus Europa.

Meur a wech e voe tan-gwalll e tiez koad Bergen koulz hag e re Bryggen, se 'zo kaoz e weler hiziv an deiz savdurioù bet savet goude 1702 (ma voe tan er savadurioù koshañ), war-bouez un nebeud kavioù mein bet savet er XVvet kantved.

Mirdi Bryggen

Lodennoù eus Bryggen a voe distrujet gant an tan e 1955 ivez. El lec'hioù-se e voe savet Mirdi Bryggen e 1976 diwar ur steuñv gant ar savour Øivind Maurseth.

Video : un tamm pourmennadenn e Bryggen

Bryggen

Liammoù diavaez[kemmañ | kemmañ ar vammenn]


Commons
Commons
Muioc'h a restroù diwar-benn

a vo kavet e Wikimedia Commons.