Halle (Saale)

Eus Wikipedia
(Adkaset eus Halle (Saks-Anhalt))
Mont da : merdeiñ, klask
Ar Marc’hallac’h (Marktplatz) gant an iliz, ar monument da Händel hag an Tour Ruz (Roter Turm).

Halle pe Halle (Saale) pe Halle an der Saale (evit lakaat kemm etre ar gêr-se ha re all anvet Halle ivez) zo ur gêr vras e Land Saks-Anhalt en Alamagn. Emañ e kreisteiz ar stad-se, war lez ar stêr Saale.

Annezet e oa Halle gant 231 565 a dud e dibenn 2013.

Dont a ra an anv Halle eus ur ger keltiek pe germanek hal pe halla hag a dalveze « holen ».

Meneg zo eus kêr Halle kerkent hag er bloavezh 806. En arc’heskopti Magdeburg e oa adalek an Xvet kantved, betek ma voe staget koulz Magdeburg evel Halle ouzh priñselezh Brandenburg e 1680. Goude 1701 e voe e Rouantelezh Prusia.

Goude diskar Republik Demokratel Alamagn e voe graet labourioù bras e Halle, evit kempenn ar c’hastell, freuzet gant ar Brezel Tregont Vloaz hag an Eil Brezel-bed, evit adsevel ar savadurioù foran erru dirapar pe ar c’hendioù bras savet goude ar brezel. Adsavet penn-da-benn eo bet kreiz-kêr ha brav eo deuet da vezañ.

Skol-veur Halle zo unan eus ar re goshañ en Alamagn. E Halle ivez emañ sez Akademiezh Alaman ar Skiantoù.

Kêrioù gevellet[kemmañ | kemmañ ar vammenn]

Liammoù he deus Halle gant kêrioù all dre ar bed :[1]

Kêrioù gevellet
Kêr
Bro
abaoe
Oulu Banniel Finland Finland 1972
Linz Aostria Aostria 1975
Coimbra Portugal Portugal 1976
Grenoble Bro-C'hall Bro-C'hall 1976
Karlsruhe Alamagn Alamagn 1987
Hildesheim Alamagn Alamagn 1990
Oufa Banniel Rusia Rusia 1997
Jiaxing Banniel Sina Sina 2009
Savannah (Georgia) Banniel ar Stadoù-Unanet Stadoù-Unanet 2011


Notennoù[kemmañ | kemmañ ar vammenn]