Aachen
Ur gêr gozh e kornôg Alamagn eo Aachen, pe Aac'hen[1] (Aix-la-Chapelle e galleg hag Aken e nederlandeg, diwar al latin Aquisgranum).
Emañ e rannvro Nordrhein-Westfalen, tost d'an harzoù gant Belgia hag an Izelvroioù. Tremen 260 000 den zo o chom enni[2]. Ur skol-veur teknologiezh zo enni abaoe 1870.
Aachen a oa kêr-benn Karl Veur, penn an Impalaeriezh santel roman german. Pa varvas e 814 e voe beziet Karl Veur en iliz-veur a voe savet gantañ eno e 796.
Kalz a zistruj a voe en Aachen e-pad an Eil Brezel-bed. Homañ eo ar gêr vras kentañ a voe ac'hubet en Alamagn gant Stadunaniz hag ar Gevredidi e 1944.
Notennoù ha daveoù
[kemmañ | kemmañ ar vammenn]
| ||||||||||||||||
|
Porched Alamagn – Adkavit pennadoù ha rummadoù Wikipedia a denn da Alamagn. |