Potsdam

Potsdam

Lec'hiadur

Daveennoù : 52°24′00″N, 13°04′00″E	Gwerzhid-eur : UTC+1/ Hañv UTC+2
Ardamez

Titouroù
Gorread	187.37 km²
Poblañs	151 725 (12/2008)
Stankted	810 annezad/km²
Uhelder	35m
Kod post	14401-14482
Evit pellgomz	(0)331
Politikerezh
NUTS	DE3
Bro	Alamagn
Land	Brandenburg
Karterioù	16 Ortsteile (karter)
Bourc'hvestr	Jann Jakobs abaoe 2002
Strollad politikel	SPD / Die Linke (amzeriad 2002/2010)
Lec'hienn	www.potsdam.de

Kastell Sanssouci, palez hañv Friedrich II Prusia.

Potsdam a zo ur gêr e reter Alamagn ha kêr-benn land Brandenburg eo. Emañ er mervent da Verlin, war vord ar stêr Havel. E 2008 e oa war-dro 150 000 den o chom e Potsdam. E Potsdam e veze roueed Prusia o chom betek 1918. Meur a savadur zo eus an amzer-se, evel Kastell Sanssouci.

An ti-kêr kozh (Altes Rathaus)

Istor[kemmañ | kemmañ ar vammenn]

Diell eus 993 ma weler an anv Potzupimi (Potsdam)

Soñjal a reer e voe savet Potsdam en X^vet kantved. Anv a voe graet eus ar gêr evit ar wech kentañ e 993. Bihan e chomas betek ma voe dibabet evel annez gant Friedrich Wilhelm Iañ e 1660. Dibabet e voe ivez evel kêr-annez gant familh roue Prusia. Lod brasañ savadurioù brudet Potsdam a voe savet da vare ren Friedrich der Große . Palez Sanssouci eo ar savadur brudetañ a gaver e Potsdam. E-keit ha ma oa Berlin kêrbenn ofisiel Prusia, ha goude-se hini ar Reich, e chomas al Lez e Potsdam. E 1918 e voe lemet an titl an eil penngêr digant Potsdam, pa roas an impalaer Wilhelm II e zilez.

E Potsdam e voe aozet an abadenn progapaganda nazi kentañ d'an 21 a viz Meurzh 1933 gant Joseph Goebbels. Anavezet eo dindan an anv Devezh Potsdam.

E miz Ebrel 1945 e voe bombezet kalz Potsdam gant ar Vreizhveuriz, neuze e voe distrujet lod brasañ kreiz-kêr istorel hag ivez an dielloù broadel.

Gant gouarnamant Republik Demokratel Alamagn e voe dibabet diskar lod brasañ ar savadurioù a denne da soudardegezh Prusia, neuze e voe diskaret ur bern savadurioù istorel. Da vare moger Berlin e oa peg Potsdam ouzh harz kornôg Berlin. Goude ur pennad e voent dispartiet da vat. Ur wech adunvanet Alamagn e voe lakaet Potsdam da gêrbenn land Brandenburg.