Lec'hienn

Ul lec'hienn a vez lavaret gant tud zo (gerioù all zo c'hoazh: lec'hiad, load, gwivan, sit-web) eus un dastumad pajennoù eus ar Genrouedad, liammet kenetrezo, gouestlet da un den, ur gevredigezh, un obererezh pe embregerezh bennak. E Geriadur brezhoneg An Here eo disklêriet evel ur pourvezer stlenn war ur rouedad pellgehentiñ.

Petra a gaver e-barzh

Peurvuiañ e kaver skrid ha skeudenn, met filmoù a c'haller kavout ivez. Un anv zo d'ar pajennnoù-se (anv-domani, gouez da lod), hag ur chomlec'h er Genrouedad.

Diwar-benn ar ger

Tud zo (Albert Boché, Tugdual Kalvez) a gav gante eo savet fall ar ger hag a gav gwelloc'h ober gant lec'hiad. E skridoù Preder pe e geriadur Ménard e kaver ar ger load.

Unanig bennak a gav gwelloc'h azasaat ar ger kembraek gwefan, hag ober gant gwivan, diwar gwiad ha man (evel peurvan, diwar peuriñ ha man), da lavarout eo ul lec'h er gwiad.

Ster boutin

Ul lec'h eo al lec'hienn, gant ur ster un tamm spisoc'h.
Met implijet e vez kentoc'h al liester, lec'hiennoù, evit ober anv eus un nebeud lec'hioù resis, tre evel ma implijer ar ger gwezennoù, .