Ankalited

Eus Wikipedia
Sauter à la navigation Sauter à la recherche

An Ankalited (Ancalites hervez Kaezar) a oa ur bobl vrezhon a oa o chom en-dro d'ar stêr Tavoez. Ar meneg nemetañ anezho zo bet graet gant ar jeneral roman en e levr "De Bello Gallico" (Brezel Galia)[1].

Ur roud bennak zo anezho war-dro Henley, Oxfordshire;[2], met prouenn ebet hervez an hendraourien.

Hervez E. Ekwall ha A.D. Mills, Henley a zeu eus hen-saozneg hea-leah, tro-rein hean-lea(ge) = frankizenn / digoadenn veur.

Studiadenn war an anv[kemmañ | kemmañ ar vammenn]

  • G. Dottin, p. 226 : an-, terme de nom propre; irl. an-, in-, gall. bret. an-, particule négative
  • Hervez Meven Mordiern, Ar Gelted koz ..., p. 429 : Ankaletti = "ar re laosk", ul lez-ano dismegansus.
  • Hervez Rivet & Smith (diwar Holder) : An-calites, with *an- intensive prefix, da lavarout ar re kalet da vat, ar c'hontrol rik diouzh displegadenn M. Meven

Aloubadeg hag emzaskor[kemmañ | kemmañ ar vammenn]

E 54 e voe eil taol aloubiñ Julius Caesar en Enez Vreizh. Un taol-kaer, a-hervez, nemet n'eas ket pelloc'h eget tro-war-droioù pellañ Londrez, ha ne blegas ket ar vroidi d'al lezenn roman. Deuet e oa ar Romaned war zigarez reiñ o harp da 'r roue Mandubracius, eus pobl an Trinovanted, war-lerc'h dezhañ bezañ distroadet gant Cassivellaunus. Cassivellaunus, pe Cassivellaunos eus pobl ar c'h-Catuvellauni a oa enebour bras ar Romaned, ha prest d'ober brezel dezho. Daou du a oa eta e traonienn an Tavoez.

Levroniezh[kemmañ | kemmañ ar vammenn]

  • Georges Dottin : La langue gauloise. Grammaire, textes et glossaire. 1920. Adembannet gant Slatkine Reprints. Geneva. 1980
  • Eilert Ekwall : The Concise Oxford Dictionary of English Place-Names. Clarendon Press. Oxford. 1936 ... 1980
  • Meven Mordiern : Notennou diwar-benn ar Gelted Koz. O istor hag o sevenadur. Skridoù Breizh. 1944
  • A.L.F. Rivet & Colin Smith : The Place-Names of Roman Britain. B.T. Batsford Ltd. London. 1979 - 1982
  • A.D. Mills : Oxford Dictionary of British Place Names. Oxford University Press. 1991 ... 2003