Caesar (titl)
_(cropped).jpg)
| Prantad | Impalaeriezh roman, Impalaeriezh roman ar Reter  |
|---|---|
| Stumm benel an dikedenn | Caesarissa |
.jpg)
Caesar a oa un titl, pe un anv enorus, roet en impalaeriezh roman d'an impalaerien da ziskouez e oant kendalc'herien Julius Caesar.
Gerdarzh[kemmañ | kemmañ ar vammenn]
Dont a ra an anv eus hini Julius Caesar, a vefe diskennad d'an doueez Gwener.
An titl a Gaesar en Impalaeriezh roman[kemmañ | kemmañ ar vammenn]
An anv-se a vez roet da Julius Caesar ha d'an unnek impalaer war e lerc'h eus 27 kent JK betek 98 (goude JK) : Augustus, Tiberius, Caligula, Claudius, Neron, Galba, Othon, Vitellius, Vespasianus, Titus ha Domitianus, petra bennak ma n'eo ket kar ar c'hwec'h diwezhañ da diegezh Caesar.
Buhez an Daouzek Kaezar (De vita XII Caesarum ) zo bet skrivet gant Suetonius. Adalek amzer Augustus e teu Caesar da vezañ unan eus ar praenomina an impalaerien (a deu a-raok an nomen tiegezhel - n'eo ket evel ur c'hentanv pe anv-badez), a-gevret gant an anv a imperator.
En 293 e voe krouet an detrarkiezh gant an impalaer Diocletianus : daou g-Caesar a oa evel eilimpalaerien gant pep a Augustus.
Ne badas ket an aozadur-se avat goude diskar an detrarkiezh adalek 306, pa voe anvet Constantinus Iañ da Gaesar gant soudarded e dad Constantius Chlorus.
Constantinus Iañ a implijas an titl en-dro evit reiñ ur statud impalaerel d'e vibien hag o staliañ e e kornioù zo eus an impalaeriezh da c'houarn en e anv. E vab Constantius II a anvas da Gaesar e gendirvi Constantius Gallus, ha Juluan. O statud a oa etre hini Kaesarien an Detrarkiezh ha hini ar briñsed hêred da g-Gonstantinus: eusan tiegezh impalaerel e oant, dezho un darn eus "aura" sakr ha hud an impalaerien, hag e gannaded e oant, galloud dezho, nemet dalc'het dindan evezh .
En istor goude[kemmañ | kemmañ ar vammenn]
Eus an anv Caesar ez eus deuet anvioù all e yezhoù all a veze graet ouzh pennoù kurunennet ar vro:
- Kaiser en Alamagn,
- Tsar (skrivet Czar kent 1914) e Rusia, Bulgaria ha Serbia,
- Császár, distaget tchassar en Hungaria,
- Kaysar en Impalaeriezh otoman
- Gesar e Tibet.
Levrlennadur[kemmañ | kemmañ ar vammenn]
- Aurelius Victor ː Livre des Césars. Belles Lettres. Paris. 1975
- Georges Ostrogorsky, troet e galleg gant J. Gouillard, Histoire de l’État byzantin, Payot, 1977
- Pierre Chuvin ː Chronique des derniers païens. Belles Lettres. Paris. 1991
- François Zosso & Christian Zingg : Les empereurs romains 24 av J.-C. - 476 ap. J.-C. Embannadurioù Errance. 1994