Brezel Seizh Vloaz

Eus Wikipedia
Mont da : merdeiñ, klask

Ar Brezel Seizh Vloaz (1756-1763) zo ur brezel en XVIIIvet kantved a c'hoarvezas e meur a rannved (Europa, Norzhamerika, India…) ha dre-se eo bet keénveriet ouzh ar Brezel-bed kentañ. Ouzhpenn-se e voe kemmoù bras e kempouez art galloudoù en Europa. Savet e voe an Impalaeriezh saoz, an hini kreñvañ a-hed an XIXvet kantved, ma'z eas da get an trevadennoù gall savet en XVIIvet kantved, ha kreñvaet e voe pouez Prusia.

An emgevioù etra ar broioù a-raok ar brezel.

Ar re a gemeras perzh eo Rouantelzh Bro-C'hall, enebet ouzh rouantelezh Breizh-Veur en un tu, Arc'hdugelezh Aostria ouzh Rouantelezh Prusia en tu all. Koulskoude, dre c'hoari an emglevioù etre ar stadoù eo tost holl stadoù Europa hag o zrevadennoù a gemeras perzh er brezel. Lavaret e vez peurvuiañ e krogas ar brezel d'an 29 a viz Eost 1756, pa lammas Friedrich II, Roue Prusia, war Priñselezh Sachsen, petra bennak ma oa kroget an emgannoù e trevadennoù Norzhamerika a-raok ober o reuz en Europa.