Plonevez-ar-Faou

Chapel Sant Herbod

Anv gallek (ofisiel)

Plonévez-du-Faou

Melestradurezh

ar C'hastell-Nevez (betek 2015)
Karaez (abaoe 2015)

Kod kumun

29175

Kod post

29530

Maer
Amzer gefridi

Marguerite Bleuzen
2020-2026

https://www.plonevezdufaou.fr

Poblañsouriezh

Poblañs

2 160 ann. (2023)^[1]

Stankter

27 ann./km²

Douaroniezh

Daveennoù
lec'hiañ

48° 15′ Norzh
3° 50′ Kornôg / 48.25, -3.83

Uhelderioù

bihanañ 5 m — brasañ 275 m

Gorread

80,73 km²

Plonevez-ar-Faou

Plonevez-ar-Faou zo ur gumun e Dardoup, e Bro-Gerne e kanton Karaez, e departamant Penn-ar-Bed, e kornôg Breizh.

Anv

Ogée : Plounevez-du-Faou
Marteville & Varin : Plounévez-du-Faou
Dauzat & Rostaing : Ploeneves, war-dro 1086
Bernard Tanguy : Plueu Neugued in Pou, {{XIvet kantved ; Plebs Nova in Fago, 1234 ; Plebs Nova in Pago, 1283 ; Ploenevez dou Fou, 1338 ; brezhoneg Plon - henvrezhoneg ploe ha nevez. Plonevez a zo bet distaget diouzh Plouie war a seblant kent an VIII^vet kantved. Kolloreg, Landelo, Kastell-Nevez-ar-Faou hag ul lodenn e Lokeored a oa enni. An anv « ar-Faou » a zeu diouzh Pagus en Fou, XIvet kantved}}, diouzh Poucaer, hiziv ar Poc'her.
Erwan Valerie (1995) : Plueu Nengued in Pou, XIvet kantved ; Ploenewes in Fou, Plonevez in Fou, 1038 ; Ploeneuuez en Fou, XIII^vet kantved ; Ploenevez dou Fou, 1338 ; Plebs Nova in Fago, 1368 ; Plebs Nova in Fago, 1516 ; Ploenevez du Fou, 1536 ; Plounevez du Faou, 1779".
Embannadurioù Flohic : brezhoneg plou, "parrez", nevez, ha fou ; plou eus al [[latin}} pagus, "bro".
Hervé Abalain : Plebs Nova in Fago e 1368, parrez nevez ; Faou a zeu eus pou(caer) → fou, eus al latin pagus, bro ; Pagus en Fou, XIvet kantved, a dalv kement hag er Poc'her, eus Poucaer, bro ar c'hreñvlec'h, da lavarout eo Karaez.
Daniel Delattre : Plebs Nova in Fago, XIII^vet kantved ; Plonevez dou Fou, XIV^vet kantved.

Ardamezioù

En aour e dorzhell en gul karget gant ul leonparzh ivez en aour, hebiaet a-zehou gant ur skourr derv hag a-gleiz gant ur skourr faou, an holl e geoteg, frouezhet ivez en aour, o garennoù lammellet ; e gab en sabel karget gant seizh werzhidenn en argant, ar pevare dreistgarget gant ur vrizhenn erminig ivez en sabel.

Istor

XVII^vet kantved

Emsavadeg ar Bonedoù ruz : un digoll a 9 000 lur a voe paeet gant ar barrez d'an aotrou Le Moyne de Trevigny goude tagadenn e gastell e Sant-Hern d'an 11 a viz Gouere 1675 e-kerzh an emsavadeg^[2].

XX^vet kantved

Brezel-bed kentañ

239 gwaz eus ar gumun a varvas abalamour d'ar brezel, eleze 4,61% ag ar boblañs hervez an niveradeg bet graet e 1911^[3].

Eil brezel-bed

63 den ag ar gumun a varvas abalamour d'ar brezel^[3].
D'ar 17 a viz Mae 1943 e kouezhas un nijerez B-17F-75-BO (anvet Boot Hill, marilhet 42-29767 ha kodet BX-?, 96vet Bomb Group, 338 vet Squadron) eus aerlu ar Stadoù-Unanet e Keranpres e Plonevez gant 11 milour en e vourzh ; 4 anezhe a voe paket gant an Alamaned, 6 all a zeuas a-benn da achap, 2 all a varvas, 1 anezhe zo douaret er Brittany American Cemetery e Montjoie-Saint-Martin (Bro-C'hall)^[4].

Brezelioù didrevadennañ

Brezel Indez-Sina

2 vilour eus ar gumun a varvas e Viêt Nam^[3].

Brezel Aljeria

3 milour eus ar gumun a varvas^[3].

Brezhoneg

Ar Brezoneg er Skol

1934-1936: ar c'huzul-kêr a savas a-du gant ar mennad skignet gant al luskad Ar Brezoneg er Skol (ABES) evit kelennadurezh ar brezhoneg er skol^[5].

Monumantoù ha traoù heverk

Chapel Sant Herbod.
Monumant ar re varv e-tal an iliz katolik^[6]^[7].

Emdroadur ar boblañs abaoe 1793

Tud

Ardamezeg ar familhoù

	Ansquer Aotrounez Roudoumeur En argant e femp talbennan en gul lammellet
	de Keramac'h Aotrounez al lec'h se ha Treiflec'h En arc'hant e deir eilenn en gwad; e c'hrenngonk en aour karget gant ul leon en sabel

Liammoù diavaez

Commons

Muioc'h a restroù diwar-benn