Kledenn-ar-C'hab

Kledenn-ar-C'hab
Beg ar Vann.
Anv gallek (ofisiel)	Cléden-Cap-Sizun
Bro istorel	Kernev
Melestradurezh
Departamant	Penn-ar-Bed
Arondisamant	Kemper
Kanton	Pontekroaz (betek 2015) Douarnenez (abaoe 2015)
Kod kumun	29028
Kod post	29770
Maer Amzer gefridi	Nadine Kersaudy 2001-2026
Etrekumuniezh	KK Bro ar C'hab
Bro velestradurel	Bro Gerne
Lec'hienn Web	Ti-kêr
Poblañsouriezh
Poblañs	915 ann. (2020)
Stankter	48 ann./km²
Douaroniezh
Daveennoù lec'hiañ	48° 02′ 54″ Norzh 4° 38′ 46″ Kornôg
Uhelderioù	bihanañ 0 m — brasañ 86 m
Gorread	19,08 km²
Kledenn-ar-C'hab

Kledenn-ar-C'hab zo ur gumun e Kerne-Izel, e kanton Douarnenez, e Bro ar C'hab, e departamant Penn-ar-Bed, e kornôg Breizh.

Anv

• Bernard Tanguy ː Plebs Cletuen, XI^vet kantved ; Cletguen Cap Sizun, 1314, e-tro 1330 ; Cletguen, 1395, 1426 ; Cleden Cap Sizun, 1535.
• Erwan Vallerie ː Cletuen, XIvet kantved ; Cletguen Cap Sizun, 1368 ; Cleden Cap Sizun, 1516, 1536 ; Cletguen, 1395 ; Cledent, 1630.

Gerdarzh

• Bernard Tanguy ː eus anv ur sant eus {{Kembre]], Clydwin, mab Brychan (Llanglydwen, e Carmarthenshire).

Ardamezioù

En gwad e arbenn-karv en aour, heuliet ouzh kab gant teir erminig ivez en aour ; lavreeg en aour, karget ouzh dehou gant teir flourdilizenn hag ouzh kleiz gant teir rozenn, an holl ouzh lezioù, an eil en egile.

• Sturienn ː Kleden ar c'hap bloavez mad ; aozer ː Bernard Le Brun ; kuzul ar gumunn ː 16 Du 1999.

Ar c'harv evit ar familh Kerharo, ar flourdiliz evit ar re Saluden, ar roz evit an tiegezh Keridiern.

Istor

Dispac'h Gall

• Dekred ar 26 a viz Du 1790 war al le ret: e penn-kentañ 1791 e voe nac'het al le ouzh ar Roue, ar vro hag al lezennoù gant Gloaguen, person, Gloaguen, kure, ha daou veleg, Pellé ha Kerizit.

XX^vet kantved

Brezel-bed kentañ

• Mervel a reas 95 gwaz eus ar gumun, eleze 3,71% eus ar boblañs e 1911, abalamour d'ar brezel.

Eil brezel-bed

• Mervel a reas 26 den ag ar gumun abalamour d'ar brezel.
• Kouezhout a reas un dournijerez Dornier Do 24 eus an aerlu alaman (Luftwaffe) er gumun d'ar 17 a viz Gouhere 1941, mervel ar reas un nijour, douaret eo e Plouzeniel.
• Kledenn-ar-C'hab a voe dalc'het gant ar 1añ Bagad eus an 10vet Kompagnunezh eus ar Grenadier Regiment 894 alaman en nevezamzer 1944, betek penn-kentañ miz Even (Aloubadeg Normandi).

Brezelioù didrevadennañ

Brezel Indez-Sina

• Mervel a reas pemp milour eus ar gumun er Viêtnam.

Brezel Aljeria

• Mervel a reas ur milour eus ar gumun d’an 19 a viz C'hwevrer 1961.

Monumantoù ha traoù heverk

• Brudet eo Beg ar Vann, a-dal da Veg ar Raz, en hanternoz da Vae an Anaon.
• Oppidum Kastell Meur (war dro 2000 kent J.-K.)
• Meilh Drougêr, tostik da Veg ar Vann.
• Iliz sant Kleve (gwechall ant Kleden) (XII^vet, XVIII^vet)
• Chapel Itron-Varia a Druez, e Langroaz (1747)
• Chapel sant Tei, bet adasavet en e bez e-kerzh ar XVII^vet kantved, ha kempennet e-kerzh an XIX^vet kantved. Feunteun (ad-kempennet e kerzh an XVII^vet kantved). Kroaz (1630)
• Chapel sant Tremeur, e Trouguenour. Merket eus 1538
• Chapel sant Tual, 1772
• Chapel sant Gwenole, e Lansulien. En he boull dija e 1703. Chom a ra ar veunteun, anvet feunteun ar c'helaoued
• Chapel sant Sebastian, e maner Kerazan; bet dispennet war dro 1980 ha kaset ar vein da Bontekroaz.
• Feunteun ant Vaze (1757)
• Kroaz Toull, e Kersaudi
• Monumant ar re varv er vourc'h, luc'hskeudenn ha kartenn-bost.
• Monumant ar re varv karter Sant-Tugdual, luc'hskeudenn.

Bez ar C'hommonwealth e bered ar gumun

Bro	Niver a soudarded
Kanada	1 (Morlu), chomet dianv
Hollad	1

Mervel a reas e-pad an Eil Brezel Bed.

Emdroadur ar boblañs abaoe 1962

Niver a annezidi

Skeudennoù

• 
  Beg Brezhelleg
• 
  Feunteun Sant Tei
• 
  Chapel Langroaz
• 
  Chapel Sant Tei
• 
  Chapel Sant-Tei
• 
  Chapel ant-Tei
• 
  Chapen Sant Treveur
• 
  Iliz Sant-Kleve
• 
• 
  Milin-Avel

Tud

Tud bet ganet eno

• 1975 : Maguy Kerisit, skrivagnerez vrezhonek

Ardamezeg ar familhoù

Saluden Aotrounez Kernysan, Keringar, Mescam Nicolas, kuzulier ouzh Breujoù Breizh e 1645 En aour e deir flourdilizenn en gwad, ur steredenn ivez en gwad ouzh kondon.

Gevelliñ

• Béal an Dá Chab,  Iwerzhon (1999)

Levrlennadur

• René Couffon & Alfred Le Bars : Nouveau répertoire des églises et chapelles. Diocèse de Quimper et de Léon. 1988
• Embannadurioù Flohic : Le Patrimoine des communes du Finistère. 1998
• Michel Froger & Michel Pressensé : Armorial des communes du Finistère. 2001
• Bernard Tanguy : Dictionnaire des noms de communes, trèves et paroisses du Finistère. Chasse-Marée. ArMen. 1990
• Erwan Vallerie : Diazezoù studi istorel an anvioù-parrez. Corpus. An Here. 1995

Liammoù diavaez

• (fr) cleden-cap-sizun.com
• (br) Kledenn-ar-C'hab war lec'hienn Geobreizh
• (fr) audierne.info