Britannia

Un delwenn d'an itron Britannia e Plymouth.

Britannia, skrivet Brittania a-wechoù ivez, zo un anv-lec'h istorel latin.

• Britannia eo an anv roet da Enez Vreizh (lod a lavar Preden) en amzer an Impalaeriezh roman. Klotañ a ra gant Bro-Saoz, Bro-Gembre, Kerne-Veur ha Bro-Skos a vremañ.
  • Kavout a reer an anv-se da skouer
    • en oberennoù Caesar ha Tacitus,
    • e titl oberenn istorel Sant Gweltaz : De excidio Britanniae skrivet er VIvet kantved.
• Britannia eo ivez anv ar broviñs roman savet el lodenn eus Enez Vreizh aloubet gant ar Romaned, rak ne oa ket aloubet an enezenn a-bezh, ha Kaledonia, da skouer, a oa chomet dizalc'h; rannet e voe proviñs Britannia avat, hag adanvet ar rannoù anezhi. E 167 da skouer e voe krouet
  • • Britannia Inferior, hag Eboracum (York) he c'hêrbenn
    • Britannia Superior, ha Londrez he c'hêrbenn
• E deroù ar Grennamzer e voe roet an anv Britannia ivez d'ar vro a oa anvet Arvorig betek-hen, dre ma oa annezet kalz Brezhoned eno. Graet e veze Britannia Minor anezhi, evit lakaat kemm gant eben, a oa anvet Britannia Major.
• Goude-se e voe fardet anvioù nevez diwar an anv latin Britannia:
  • Britain e saozneg, a dalvezo evit Enez Vreizh en he fezh
  • Bretagne e galleg a dalvezo evit Breizh hepken peurvuiañ
    • ma vo ret treiñ Britannia Major d'ober Grande-Bretagne e galleg

E saozneg

• E saozneg e vez graet an anv Britannia eus meur a dra:

1. Rouantelezh Breizh-Veur, da lavaret eo an unaniezh etre Bro-Saoz, Kembre ha Bro-Skos, abaoe uvaniezh 1707.
2. Rouantelezh Unanet Breizh-Veur hag Iwerzhon a gemeras he lec'h adalek 1801 dindan ar roue Jord III.
3. Rouantelezh Unanet Breizh-Veur ha Norzhiwerzhon, anv kemeret gant ar memes rouantelezh adalek 1927, dindan ren Jord VI, goude dieubidigezh stad Iwerzhon.

• E saozneg e vez graet an anv Britannia ivez eus ur vaouez zo enkorfadur pe skeudennadur mojennel ar vro-se, pe hini an impalaeriezh kozh;
  • Honnezh eo a vez gwelet war ar pezhioù moneiz, evel Marianne evit ar Republik C'hall.

Douaroniezh

• Britannia Bridge, Pont Britannia e kembraeg, ur pont etre Enez Mon ha douar-bras Kembre
• Britannia (Ottawa), ur c'harter en Ottawa, Kanada.
• Britannia Beach, ur gêr vihan e-kichen Vancouver, e British Columbia, e Kanada.

C'hoarioù

• Britannia (Ultima), ur vro en heuliad c'hoarioù Ultima.
  • Britannia (Ultima Online), er c'hoari Ultima Online.
• Britannia (c'hoari), ur c'hoari taol istorel.

Dezougen

• Britannia Airways, un aerlinenn charterioù staliet e Breizh-veur, anvet Thomsonfly abaoe 2005.
• HMY Britannia, ul lestr roueel e Breizh-Veur, eoriet e Din-Edin e Bro-Skos.
• RMS Britannia, ur mordreizher bras eus ar "British Cunard Steamship Lines".
• BR standard class 7, ar stlejerez dre aezhenn "Britannia class" implijet war an hentoù-houarn breizhveurat.
  • 70000 Britannia, ar stlejerez kentañ eus ar rummad.
• Bristol Britannia, un hirdreizher savet gant ar "Bristol Aeroplane Company" e 1952.

Morlu

• HMS Britannia, anv un nebeud listri brezel eus morlu roue Breizh-Veur.

Embann

• Britannia (kelaouenn), ur gelaouenn evit Breizhveuriz divroet embannet e Kanada.
• Britannia (kazetenn), ur gazetenn embannet gant ar maouezed a-du gant ar gwir ar maouezed da votiñ (WSPU) hag adbadezet e-doug ar c'hentañ brezel bed.

Menegoù all eus an anv Britannia

Kavout a reer an anv e-barzh:

• Rule Britannia, kan ar vrogarourien vreizhveurat, a gammgemerer a-wezhioù evit kan broadel ar Rouantelezh Unanet, kanet ivez gant harperien kleub ar Glasgow Rangers , brudet da vout protestanted, evel kan enepkatolik hag enepiwerzhonat;
• En droienn Cool Britannia, ijinet er bloavezhioù 1990 evit ober anv eus ur Rouantelezh Unanet o ren war an holl c'hizioù, re ar sonerezh pop, an dilhad hag ar gemenerien-veur, al letioù hag an tier-debriñ zoken.

Diwar an anv Britannia...

... eo bet savet an anvioù saoznek:

• Britain, a zo roet da Vreizh-Veur.
• Britanny, pe Brittany, an anv roet da Vreizh.

Diwarnañ eo bet savet ivez an anv gallek Bretagne.

Liammoù diavaez

• https://www.historyfiles.co.uk/FeaturesBritain/PrehistoryBritain02.htm