Arvorig

Eus Wikipedia

Kartenn pobloù Galia, ma weler mat pobloù Arvorig. Ken mat all e weler harzoù ar stad c'hall: pobloù galian all a oa er broioù a zo Suis ha hanternoz Italia hiziv.

Arvorig eo an anv istorel kozh a roer d'ar vro anvet Breizh hiziv, kent donedigezh ar Vrezhoned er VIvet kantved. Deuet eo an anv eus Aremorica a veze graet anezhi e galianeg abalamour ma kave d'ar C'halianed e oa ur vro a-hed ar mor.

Savet eo diwar un araogenn "are", an anv "mor", hag an dibennoù "ic", hag "a".

Brasoc'h eget Breizh hiziv e oa Arvorig kozh, pa oa enni un tamm mat eus Normandi, betek bro ar Galeted, ur bobl o chom e kornad Dieppe. Dre vras e tape Arvorig eus Pornizh betek Dieppe, da lavarout eo aod Breizh tost penn da benn, hag aod Normandi. Bodet e oa pobloù Arvorig en ur c'hevredad.

Hervez Strabon, an douaroniour hellazat, ha Posidonios, e oa kar Arvorigiz (Armoricani) d'ar C'halianed anvet Belged (Belgae), a lavare Julius Caesar anezho : « Horum omnium fortissimi sunt Belgae » ( « Eus an holl eo ar Velged ar re galonekañ »).

Julius Caesar : Bellum Gallicum. Levr VII.

"XX uniuersis ciuitatibus quae Oceanum attingunt quaeque eorum consuetudine Aremoricae appellantur, quo sunt in numero Coriosolites, Redones, Ambibarii, Caletes, Osismis, Lemouices, Vnelli."

Arvorig hiziv[kemmañ | kemmañ ar vammenn]

Hiziv e vez implijet alies e-lec'h Breizh, dre fazi peogwir ne gomzer ket eus ar memes gorread nag eus ar memes istor, hag en ur spered romantel kentoc'h.

Lod a gav n'eo ket dinoaz na dizrouk an implij-se, dreist-holl pa vez kemeret gant aozadurioù-stad, da guzhat an anv Breizh a c'hallfe bezañ re bolitikel.

Skouerioù[kemmañ | kemmañ ar vammenn]

Implijet e vez ar ger Arvorig (pe Armorique, kentoc'h e galleg)

  • en anv ar skingomz gallek Radio Armorique, deuet da vezañ France Bleu Armorique ;
  • en anv-gwan gallek costarmoricain, ijinet e dibenn an XXvet kantved war batrom ar ger gallek nevez francilien, hag implijet e-barzh Ouest-France Gwengamp evel-hen: Le plin, cette danse typiquement costarmoricaine....

Pennad kar[kemmañ | kemmañ ar vammenn]

Porched Breizh – Adkavit pennadoù ha rummadoù Wikipedia a denn da Vreizh.