Brezel israelat-arab
Brezel israelat-arab (arabeg: الصراع العربي الإسرائيلي Al-Sira'a Al'Arabi Al'Israili; hebraeg: הסכסוך הישראלי-ערבי Ha'Sikhsukh Ha'Yisraeli-Aravi) a reer eus hollad ar brezelioù pe stourmoù milourel etre meur a vro arab hag Israel. Gwriziennoù ar brezel israel-arab a-vremañ zo deuet diwar kresk ar sionouriezh en un tu hag ar vroadelouriezh arab en tu all e fin an 19vet kantved.
Ar vro gwelet evel douaroù istorel, evel mammvro, gant lod eus ar yuzevien a vez gwelet gant al luskadoù hollarab evel o douaroù istorel dezho, da vezañ perc'hennet gant Palestinianiz. Gant ur sell hollislamek ez eo an douaroù-se reoù a rank bezañ muzulman.
An dizemglevioù relijiel etre annezidi Palestina, Yuzevien hag Arabed, deuet war-wel e penn kentañ an 20vet kantved, a roas ur brezel diabarzh e 1947. Adal ar brezel diabarzh-se e teuas ar C'hentañ brezel israelat-arab e Mae 1948 goude ma voe embannet disklêriadur savidigezh Stad Israel.
