Yuzevegezh virour

Eus Wikipedia
Sauter à la navigation Sauter à la recherche
Ur bedenn er C'hotel gant ur bodad yuzevien virour, paotred ha merc'hed mesk ha mesk.

Ar Yuzevegezh virour (pe Yuzevegezh Masorti er-maez eus ar Stadoù-Unanet) zo ul luskad relijiel yuzev a lavar e teu aotrouniezh al lezenn yuzev diwar asant an dud hag ar c'humuniezhioù a-hed ar remziadoù, muioc'h eget diwar an diskuliadenn doueel. An halakha neuze zo un dra ret met a c'hell kemm diwar un diorren a-hed an istor. Diazezañ a ra ar rabined virour o doare da zisklêriañ an destenn dre hentennoù an enklaskoù istorel ha burutellek ouzhpenn an doare hengounel er Yuzevegezh kenkoulz ha ma ro pouez d'ar c'humuniezhioù a-raok kemer un diviz bennak. Hervezo eo an hentenn a bleg ar gwellañ ouzh boazioù ar Yuzevegezh, feal d'al labour bet kaset en o raok met a chom hep bezañ re sonn, ar pezh a zegas ivez lieseurted el luskad.

Hêr labour ar rabin Zecharias Frankel (XIXvet kanvted) eo al luskad hervezañ e-unan, daoust m'eo bet savet da vat e-kreiz an XXvet kantved er Stadoù-Unanet, a zo e greñvlec'h er bed c'hoazh. Er bed eo an trede luskad yuzev a-fed tud, gant 1,1 milion a dud reprezañtet (evit 600 000 ezel eus ur genvreuriezh).