Yuzevien

Eus Wikipedia
Mont da : merdeiñ, klask

Ar Yuzevien (hebraeg: יְהוּדִים / yehoudim, gregach : Ἰουδαῖοι / Ioudaĩoi, latin : Iudaei), a zo izili ur bobl dre o yuzevegezh, pe ur gumuniezh relijiel dre ar yuzeviezh.
Hervez o hengoun e tiskennont eus patriarked a zo meneget en Testamant Kozh evel Abraham, eus ur bobl semitek undoueour eus Palestina.
Strewet e voent dre ar bed a-bezh e-kerzh ar c'hantvedoù (an diaspora), heskinet alies — an heskinadeg washañ e voe ar Shoah e-kreiz an XXvet kantved —, met kalzik anezho a zistroas da sevel stad Israel, hag un tammig en tu-hont da 40% anezho a zo o vevañ eno.

Piv a zo Yuzev?[kemmañ | kemmañ ar vammenn]

N'emañ ket an holl Yuzevien a-du war ar poent-se, met gallout a reer neoazh sevel roll ar poentoù heverkañ ha degemeretañ:

  • Hervez gouarnamant Israel hag al lezenn war ar gwir d'an distro (hervez enkemmad 1970): Yuzev eo an den en deus ur vamm yuzevez, pe an den a zo troet ouzh ar yuzeviezh (ar relijion yuzev) ha n'en deus relijion all ebet[1].
  • Dre vras e tegemer ar Yuzevien e vefe Yuzev kement diskennad eus Yuzevien ha pa ne heuilhfe ket ar relijion, ha war an tu all e tegemeront da Yuzev an dud troet ouzh o relijion ha pa ne vefent ket Yuzevien a-orin[2].
  • Un identelezh a zo ivez, disheñvel diouzh ar relijion, gant ar santimant da vezañ ezel eus ur bobl, ha dre an istor a-hed ar c'hantvedoù, al liamm gant Israel, ouzhpenn ar sevenadur gant sonerezh, ar yezh, ar boued, ar mod bevañ…; ar pep brasañ eus ar Yuzevien, ha p’o dije dilezet o relijion, a chom stag ouzh o identelezh[3].
  • N'eus ket eus ur "ouenn" yuzev pa gaver Yuzevien gant kroc'hen gwenn, gant kroc'hen du, gant kroc'hen melen; ouzhpenn se e vagont disfiz diouzh ar c'heal "gouenn"-se dreist-holl abaoe politikerezh an Trede Reich en o eneb, diazezet war ar c'heal-se[4].

Ar Yuzevien dre ar bed[kemmañ | kemmañ ar vammenn]

Hervez Burev Kreiz Israel ar Stadegoù e oa 13 421 000 a Yuzevien dre ar bed e 2009, da lavaret eo war-dro 0,19% eus poblañs ar bed.[5]

Hervez ar broioù[kemmañ | kemmañ ar vammenn]

Bro Yuzevien (niver) Yuzevien (%)
Flag of Israel.svg Israel 5 916 200 [6] 75,52%
Flag of the USA.svg Stadoù-Unanet 5 275 000 1,71%
Flag of France.svg Frañs 483 500 0,77%
Flag of Canada.svg Kanada 375 000 1,11%
Flag of the United Kingdom.svg Rouantelezh-Unanet 292 000 0,47%
Flag of Brazil.svg Brazil 207 329 0,10%
Flag of Russia.svg Rusia 205 000 0,15%
Flag of Argentina.svg Arc'hantina 182 300 0,45%
Flag of Germany.svg Alamagn 119 000 0,15%
Flag of Australia.svg Aostralia 107 500 0,50%
Flag of Ukraine.svg Ukraina 71 500 0,16%
Flag of South Africa.svg Suafrika 70 800 0,14%
Flag of Hungary.svg Hungaria 48 600 0,49%
Flag of Mexico.svg Mec'hiko 39 400 0,04%
Flag of Belgium.svg Belgia 30 300 0,28%
Flag of the Netherlands.svg an Izelvroioù 30 000 0,18%
Flag of Italy.svg Italia 28 400 0,05%
Bed 13 558 300 0,21%


Pennadoù kar[kemmañ | kemmañ ar vammenn]

Liammoù diavaez[kemmañ | kemmañ ar vammenn]


Commons
Muioc'h a skeudennoù diwar-benn

a vo kavet e Kerandafar.

  1. [1]
  2. (en) Are Jews a Religious Group or an Ethnic Group? National Resource Center for Accurate Jewish Content in Schools
  3. (en) Are Jews a Religious Group or an Ethnic Group? National Resource Center for Accurate Jewish Content in Schools
  4. (en) Are Jews a Religious Group or an Ethnic Group? National Resource Center for Accurate Jewish Content in Schools
  5. (en) Poblañs yuzev er bed hag en Israel (pdf)
  6. (en) Haaretz, "Israel closes decade with population of 7.5 million" (30.12.2009)