Ar C'houerc'had

Ar C'houerc'had
Chapel ar Seizh Sant
Anv gallek (ofisiel)	Le Vieux-Marché
Bro istorel	Bro-Dreger
Melestradurezh
Departamant	Aodoù-an-Arvor
Arondisamant	Lannuon
Kanton	Plouared (betek 2015) Plistin (abaoe 2015)
Kod kumun	22387
Kod post	22420
Maer Amzer gefridi	Gérard Kernec 2014-2020
Etrekumuniezh	Lannuon-Treger Kumuniezh
Bro velestradurel	Bro Treger ha Goueloù
Lec'hienn web	Ti-kêr
Poblañsouriezh
Poblañs	1 285 ann. (2019)
Stankter	56 ann./km²
Douaroniezh
Daveennoù lec'hiañ	48° 36′ 28″ Norzh 3° 26′ 48″ Kornôg
Uhelderioù	kreiz-kêr : 126 m bihanañ 27 m — brasañ 192 m
Gorread	23,13 km²
Ar C'houerc'had

Ar C'houerc'had, pe ar C'hozhvarc'had, a zo ur gumun eus Breizh e Bro-Dreger, e departamant Aodoù-an-Arvor.

Douaroniezh

Ar C'houerc'had he deus al Leger evit bevenn war ar reter, gant Tregrom ha Plûned.

Kumunioù amezek : Ploubêr; Tonkedeg; Plûned; Tregrom; Plouraed; Plounevez-Moedeg

Istor

• Un drev eus parrez Plouared e oa, kent bezañ lakaet da barrez distag e 1860 ha da gumun e 1866.

XX^vet kantved

Brezel-bed kentañ

• 138 gwaz a gollas o buhez abalamour d'ar brezel hervez monumant ar re varv, d.le. 6,23 % ag ar boblañs hervez an niveradeg bet graet e 1911.

Eil Brezel-bed

• Mervel a reas seizh den eus ar gumun abalamour d'ar brezel.

Monumantoù ha traoù heverk

Ar seizh sant e chantele o chapel

Chapel ar Seizh Sant : eno e vez ur birc’hirinded kristen ha muzulman da enoriñ Breudeur ar Seizh Hun. Chapel an Drinded. Maner Gwern ar C’hamm. Maner Keramborn. Monumant ar re varv.

Tud

• Fañch an Uhel, gwerinoniour ha barzh brezhonek (d'ar 6 a viz Even 1821).
• Añjela Duval, barzhez ha skrivagnerez vrezhonek (d'an 3 a viz Ebrel 1905).
• Louis Massignon (1883-1962), skolveuriad a studie an islam.

Brezhoneg

Ar Brezoneg er Skol

• 1934-1936: ar c'huzul-kêr a savas a-du gant ar mennad skignet gant al luskad Ar Brezoneg er Skol (ABES) evit kelennadurezh ar brezhoneg er skol.
• E distro-skol 20201 e oa 9 skoliad enskrivet er c'hlasoù divyezhek (8,1 % eus skolidi ar gumun evit a sell ouzh ar c'hentañ derez). https://www.brezhoneg.bzh/98-kelenn.htm

Ya d'ar Brezhoneg

• D'an 11 a viz Gouere 2012 e oa bet votet ar garta Ya d'ar brezhoneg gant kuzul-kêr ar gumun. Al live 2 oa bet roet d'ar gummun.

Emdroadur ar boblañs abaoe 1962

Niver a annezidi

Darempredoù etrebroadel

Gevelliñ

Bro	Kêr	Abaoe
Iwerzhon	Ráth Luirc	1997	(A-gevret gant Plouared)

Levrlennadur

• ARSSAT, Le Vieux-Marché ar C'houerc'had ses noms de lieux et leur histoire, An Alarc'h Embannadurioù, 2011

Liammoù diavaez

• (br) breizh/bre/keriou-fichenn.asp?insee_ville=22387 ar C'houerc'had war lec'hienn Geobreizh