Ankiniz

Ankiniz
Anv gallek (ofisiel)	Ancenis
Bro istorel	Bro-Naoned
Melestradurezh
Departamant	Liger-Atlantel
Arondisamant	Kastell-Briant-Ankiniz
Kanton	Ankiniz (pennlec'h)
Kod kumun	44003
Kod post	44150
Maer Amzer gefridi	Jean-Michel Tobie (maer diwezhañ) 2014-2018
Etrekumuniezh	Kumuniezh-kumunioù Bro Ankiniz
Lec'hienn Web	http://www.ancenis.fr
Poblañsouriezh
Poblañs	7 656 ann. (2016)
Stankter	552 ann./km²
Douaroniezh
Daveennoù lec'hiañ	47° 22′ 24″ Norzh 1° 10′ 55″ Kornôg
Uhelderioù	bihanañ 5 m — brasañ 41 m
Gorread	20,07 km²
Ankiniz

Ur gumun gozh eus Breizh, e Bro-Naoned hag e departamant Liger-Atlantel oa Ankiniz. Emañ bremañ e-barzh ar gumun nevez Ankiniz-Sant-Gerent.

War un dorgenn emañ kêr, etre ar stêr Liger ha geunioù ar Grée.

7 535 annezad a oa enni o chom, hervez niveradeg an EBSSA e 2011.

Douaroniezh

• Enez Kergelenn
• Geunioù ar Grée (e norzh kêr).
• Ar stêrioù Grav ha Liger a gember en Ankiniz.
• Kumunioù amezek : Sant-Gerent; Koufeg; Mezansker; ar Roc'h-Wenn; Sant-Hervlon-ar-Roz; Oudon

Anv

• Marteville & Varin (1843) : Santi-Petri de Ancenisio, hag ivez Ancenium.

" Rigord, dans la vie de Philippe-Auguste, parle d'Ancenis et l'appelle Andenesium, mot qui se rapproche beaucoup de l'étymologie que quelques uns lui assignent, an-den-ès, belle foret et rivière...".

• Jean-Yves Le Moing (1990) : "Anciniensis plebs, XII^vet Dauzat-Rostaing; Ancenisium, 1287 Longnon".
• Erwan Vallerie (1995) : "Anciniensis Plebs, XII^vet; Ancenisium,1287"
• Éditions Flohic (1999) : " diouzh ar c'heltieg Ank-enis, enez Ank".
• Hervé Abalain (2000) : "Anciniensis plebs au XIIè siècle; Ancenisium e 1287; de Antianiacum evit Erwan Vallerie, "domani Antianus".

Ardamezioù

En gul karget gant teir fempdiliaouenn en argant, karget pep hini gant pemp brizhenn erminig d'Hozier, 1696.

Brezhoneg

Abaoe miz Gwengolo 2013 ez eus kentelioù brezhoneg eno, a-drugarez da genlabour Hentoù Breizh ha Kentelioù an Noz.

Istor

War un diazez galian-roman emañ tour-porched an iliz Sant-Pêr ha e chapel Itron Varia an Delivrañs eo bet kavet e 1943 ul laouer vaen meroveat.
War-dro an 8vet kantved e seblant Ankini bezañ deuet da vezañ ur gêr wirion diwar ar c'henwerzh war ar stêr (savet eo bet chaoserioù en 10vet kantved a c'heller gwelout anezho hiziv c'hoazh). An darnvuiañ eus ar c'henwerzh a veze graet gant ar gwin (Muskadig) Alc'houez Breizh eo bet Ankiniz er Grennamzer pa oa war hent an alouberien o tont eus Bro-C'hall dre traoñienn al Liger.

XV^vet kantved

• Feur-emglev etre Loeiz XI, roue Bro-C'hall ha Frañsez II, dug Breizh (1468).

Dispac'h gall

• Krouet e voe kumun Ankiniz e 1790 diwar ar barrez katolik. Lakaet e voe da benn Kanton Ankiniz. Lakaet e voe da benn Bann Ankiniz gant al lezenn eus an 26 a viz C'hwevrer 1790. E 1800 e voe lakaet da benn Arondisamant Ankiniz.
• Trec'h ar jeneral Westermann war al Lu katolik ha roueel e 1793. Distruj zo bet er gêr.

XX^vet kantved

Brezel-bed kentañ

• Mervel a reas 137 gwaz ag ar gumun abalamour d'ar brezel, da lavaret eo 2,73% eus he foblañs e 1911.

Eil brezel-bed

• Dieubet e voe Ankiniz d'ar 5 a viz Eost 1944 gant lu SUA.

Pennlec'h arondisamant

• E 1926 e voe lakaet ar gumun en Arondisamant Naoned pa voe diskaret Arondisamant Ankiniz. Lakaet e voe da benn Arondisamant Ankiniz pa voe adsavet e 1943.

XXI^vet kantved

• Kendeuzet e oa bet gant Sant-Gerent d'ar 1añ a viz Genver 2019 d'ober ur gumun nevez : Ankiniz-Sant-Gerent.

Darvoudoù-sport a bep seurt

• 4 a viz Gouere 1988 : 2^l tennad-hent Tro Bro-C'hall 1988 etre An Hae-Foazer hag Ankiniz (a-benn d'an eur dre skipailh) ; trec'h eo Panasonic (Izelvroioù).

Savadurioù ha lec'hioù istorel

• 
  An Ti-kêr.

• Kastell-kreñv 15-16-17vet kantved (dizimplij)

• 
  Banniel Breizh

• Iliz katolik Sant Pêr, XI-XV-XVI-XIX^vet kantved gant ur sekretiri bolzet er XV^vet kantved.

• 
• 
• 
• 
  Sant Erwan, patron Breizh

• Chapel an Ursuladezed (17vet kantved)
• Chapel Itron Varia an Delivrañs
• Presbital (17vet kantved)
• Mirdi an Arzoù hag an Istor
• Straedoù gant tiez kozh liv ar Grennamzer warno
• Pont Anjev-Breizh (1953), pont a-ispilh dreist d'al Liger, a ya d'ober ar vevenn etre Breizh ha Anjev (Bro-C'hall)

• 
• 
  Dedi ar pont
• 
  Ardamezioù Breizh

• Delwenn ar barzh Joachim du Bellay, a-dal d'al Liger, e Liorzh ar Gentr tost da pont Anjev-Breizh

• 

• Chaoserioù (10vet kantved)
• Peulvan lesanvet « maen an Diaoul », bet savet d'ar IVe kantved kt JK
• Taol-vaen ar Maen-golo (Pierre-Couvretière)
• Monumant ar re varv dirak ar maerdi, luc’hskeudenn. Dioueliet e voe d’ar 24 a viz Even 1923.
• Plakennoù ar re varv 1914-1918 er maerdi, luc’hskeudenn.

Emdroadur ar boblañs abaoe 1793

Tud

Ganedigezhioù

• Pêr a Reoz pe ar Marichal a Rochefort, marichal Bro-C'hall (1389)
• Yves Le Beau, prokulor war an tailhoù e 1690
• Armand Audiganne, istorour (1814)
• Henri Ottmann, livour (10 Ebrel 1877)
• Reun Kreston, livour, kizeller ha tudoniour (25 Here 1898)^{(Daveoù a vank)}
• Simone Cerisier, livourez (29 Ebrel 1903)
• Michel Mollat du Jourdin, istorour (13 Gouere 1911)
• Bernard Toublanc-Michel, sevener (6 Kerzu 1927)
• Edouard Landrain, politikour (1añ Gouere 1930-2006)
• Jordan Veretout (g. e 1993), melldroader

Ardamezeg ar familhoù

	de Carné Aotrounez la Rigaudière	En aour e ziv dreustell en gul
	Yves Le Beau, prokulor war an tailhoù e 1690	En glazur e heol en aour
	Racappé Aotrounez Vergier.	En sabel, e c'hwec'h roc'h-gwezboell en argant

Gevelliñ

• Kirkham (Bro-Saoz, Lancashire)
• Bad Brückenau (Alamagn, Bavaria)

Liammoù diavaez

• (br) Ankiniz war lec'hienn Geobreizh