Sant-Ervlan

Labour ’zo d’ober c’hoazh a-raok peurechuiñ ar pennad-mañ. Ma fell deoc’h reiñ un tamm skoazell, krogit e-barzh. Mar karfec’h reiñ hoc’h ali ha netra ken, grit ’ta e pajenn ar gaozeadenn.

Sant-Ervlan
Kumun eus Breizh
An ti-kêr
Melestradurezh
Bro istorel	Bro-Naoned
Departamant	Liger-Atlantel
Arondisamant	Naoned
Kanton	Pennlec'h 2 kanton
Kod kumun	44162
Kod post	44800
Maer Amzer gefridi	Charles Gautier 2008-2014
Etrekumuniezh	Naoned Meurgêr
Lec'hienn web	Ti-kêr
Poblañsouriezh
Poblañs	43 119 ann. (2009)
Stankter	1 436 ann./km²
Douaroniezh
Kenurzhiennoù	47° 12′ 44″ Norzh 1° 38′ 59″ Kornôg
Uhelderioù	krenn : 8 m bihanañ 1 m — brasañ 64 m
Gorread	30,02 km²
Sant-Ervlan

Sant-Ervlan a zo ur gumun eus Bro-Naoned (stumm ofisiel : Saint-Herblain), e Breizh, e departamant Liger-Atlantel. Charles Gautier eo he maer.

Kumun vrasañ bannlev Naoned eo pa'z eus 43119 annezad dezhi hervez niveradeg an EBSSA e 2009. Se a laka Sant-Ervlan da vezañ dekvet kêr Breizh, ur gêr a gresk buan abaoe ar bloavezhioù 1970.

Douaroniezh

E kornog Naoned emañ, e norzh al Liger. Tro-dro Sant-Ervlan e kaver eta kumunioù Naoned, Antr etre Sant-Ervlan hag al Liger, Koeron, Saotron hag Orvez.

War Erv Breizh emañ, ul linenn gribenn eus Tolzenn an Arvorig.

Istor

VII^vet kantved

Er VII^vet kantved e oa bet krouet ar barrez gant Sant-Ermeland, manac'h eus abati Fontenelle, diwar goulenn eskob Naoned.

XX^vet kantved

Eil brezel-bed: d'ar 16 a viz Gwengolo 1943 e voe taolet 80 bombezenn e Sant-Ervlan gant nijerezioù B-17 eus ar 1st Bombardment Division (United States Army Air Forces) .

Darvoudoù-sport a bep seurt

• 16 a viz Gouere 1991 : 11^vet tennad-hent Tro Bro-C'hall etre Kemper ha Sant-Ervlan ; trec'h eo Charly Mottet.

Ekonomiezh

Ur gêr war ziorren bras eo, dreist-holl tro-dro d'ar greizenn genwerzhel Altantis, e-kichen dor an hent-tro a zo "Armor" he anv. Takad kenwerzhel brasañ Europa eo. Ne oa nemet 2400 annezad ennañ e 1851, 18760 e 1968 ha bremañ muioc'h a 45000 anezho. Kresket eo war ul lusk a 3% bep bloaz etre 1990 ha 1999. Bremañ eo ret da guzulieren-kêr kavout penaos aozañ ar c'hresk-mañ, stankañ ar boblañs er gumun-vannlev m'emañ anezhañ ha sevel ur vuhez kêr memestra.

Emdroadur ar boblañs 1962-2006

Niver a annezidi

Kêraoz

Erv Breizh zo LODEF brasañ Breizh, gant ouzhpenn 780 lojeiz ennañ. Ur c'harter eo en e-unan. Savet e oa er bloavezhioù 1970. Tennañ a ra e anv eus al linenn gribenn.

Buhez sevenadurel hag arvestoù

E dor an Arvor emañ staliet Zenith Meurgêr Naoned, sal-abadennoù brasañ Breizh, abaoe miz Kerzu 2006.

Brezhoneg

Ya d'ar brezhoneg

• D'an 3 a viz Ebrel 2009 e oa bet votet ar garta Ya d’ar brezhoneg gant Kuzul-kêr ar gumun.

Deskadurezh

• Diwan en deus digoret e 2008 e skolaj kentañ el Liger-Atlantel.[1]
• E distro-skol 2012 e oa 47 skolajiad enskrivet er skolaj Diwan.

Kelenn d'an oadourien

• Kentelioù evit an dud deuet a zo eno abaoe 2001 gant ar gevredigezh Kentelioù an Noz.[2]
• Meur a obererezh dudi a vez kinniget gant Kentelioù an Noz e-kichen ar c'hentelioù : pleustradegoù c'hoariva, labour dorn, bodad lenn, bodad komz, keginañ, dañs, kanañ, golf, mell-droad, baleadegoù ha kement 'zo.

Buhez foran

• E 2008 e oa bet digoret e-kichen skolaj Diwan al Liger-Atlantel, ar vediaoueg "KDSK" (Kreizenn dafar sevenadurel keltiek) gant Maripol Gouret. Ul lec'h eskemm ha daremprediñ eo KDSK, evit klask titouroù, amprestiñ levrioù, pladennoù DVDoù, kazetennoù. [3]

Gevelliñ

• Saint-Ingbert e Saarland e Alamagn abaoe 1981
• Waterford pe Port Láirge e gouezeleg e Iwerzhon abaoe 1986
• Viladecans e Katalonia abaoe 1991
• Ndiaganiao e Senegal
• Kazanlak e Bulgaria abaoe 2008

Un emglev mignoniezh a zo gant Bethlehem e Palestina. Paeroniñ a ra ivez Cleja e Roumania.