Bretoned

Bretoned o vanifestiñ evit o yezh. Redadeg 2010 o kerzhout e Pondi hag ar sonerien o son.

„Breizhadezed“, gant Vincent van Gogh, e 1888

Ar Vretoned, pe Breizhiz, eo anv ar bobl a zo o chom e Breizh.

Peurvuiañ e lavarer e teu ar Vretoned eus daou rumm tud:

ar Gelted damromanekaet a oa en Arvorig goude an aloubadeg roman (Iañ kantved kent JK);
ar Vrezhoned deuet eus Enez Vreizh adalek ar VIvet kantved , eus Kembre pe Kernev-Veur dreist-holl; int-i a vo diazez istorel Breizh goude ma ne vo ket peurvrezhonekaet ar vro gante.

Taolenn

El levrioù De bello gallico gant Julius Caesar (Iañ kantved kent JK ) , ha De Vita Agricolae gant Tacitus (IIvet kantved kent JK), e vez graet gant an anv latin Britanni
En Historia Brittonum, gant Nennius, e lenner Britones .
- Diwar Britones eo deuet ar gerioù Breton en galleg (hag en brezhoneg goude), Briton en saozneg, ha da gentañ-penn en troidigezhioù eus oberennoù Jafrez Menoe .

Brythoniaid en kembraeg, deuet eus ar ger Britones e latin, a vez lavaret eus Brezhoned kozh Enez Vreizh. Llydawyr a vez lavaret eus Bretoned Breizh.
Brezhon n'eo ket gwall anavezet . Koulskoude eo anezhañ e teu ar ger brezhoneg.