Barack Obama

Eus Wikipedia
Mont da : merdeiñ, klask
Barack Obama e 2009 (poltred ofisiel ar Prezidant)

Barack Hussein Obama II (distaget /bəˈɹɑːk oʊˈbɑːmə/) (bet ganet d'ar 4 a viz Eost 1961 e Honolulu) zo anezhañ ur politikour eus ar Stadoù-Unanet, bremañ 44vet prezidant ar vro-se. Genidik e oa e dad eus Kenya hag e vamm eus Kansas. Studioù en deus graet e Skol-veur Columbia hag e Skol-veur Harvard. Senedour e oa bet dilennet e stad Illinois er bloaz 2005, hag eñ an hini yaouankañ eus holl senedourien ar vro.

Ezel eo eus ar Strollad demokrat, hag aet eo war ar renk evit dont da vezañ danvez-prezidant an demokrated evit dilennadeg prezidant ar Stadoù-Unanet e miz Du 2008. Gounezet en deus war Hillary Clinton evit bezañ danvez-prezidant ar strollad demokrat. D'ar 4 a viz Du 2008 eo bet trec'h war John McCain (republikan), ha dilennet eo bet da brezidant Stadoù Unanet Amerika. Kroget en deus gant e garg nevez d'an 20 a viz Genver 2009. Addilennet eo bet d'ar 6 a viz Du 2012 evit un eil prantad pevar bloaz, a-enep ar republikan Mitt Romney.

Bugaleaj ha studioù[kemmañ]

E dad, Barack Obama Senior, a oa un ekonomour hag ur politikour eus Kenya, bet ganet e 1936 ha marvet e 1982 en ur gwallzarvoud karr-tan en Afrika. E dad-kozh a-berzh e dad a oa Hussein Onyango Obama (1895-1979), diwar-se e eil anv-bihan.

E dad a oa bet savet en un endro muzulman met dizoue e oa.

E vamm a oa Stanley Ann Dunham (1942-1995), ur plac'h wenn anezhi. Savet en un endro kristen, met agnostik e oa-hi. Diwar ur c'hrign-bev eo marvet.

Savet eo bet Barack Junior gant e dud-kozh a-berzh mamm. Torrdimeziñ a reas e dud e 1964, ha Barack n'en deus gwelet e dad nemet ur wech en e vuhez, d'an oad a zek vloaz.

E 1965 ec'h addimez e vamm gant un den eus Indonezia, bevañ a reas eno ganto e-pad 4 bloaz. Un hanterc'hoar en deus bet, Maya Soetoro. Kelennerez eo-hi bremañ e Hawaii. E vamm-gozh a-berzh-mamm, hi, a oa aet da Anaon dres a-raok na vije aet an trec’h gant he mab-bihan d'an dilennadegoù prezidant.

Goude mont kuit eus ar skol e ra studioù uhel adalek 1979. Mont a ra da Skol-Veur Columbia (e kêr New York) ma tap un testeni war ar skiantoù politikel hag ispisializet war an darempredoù etrevroadel e 1983.

Tiegezh[kemmañ]

Dimezet eo Barack Obama gant Michelle Obama abaoe 1992. Gwiraouez eo bet. Div verc'h a zo dezho, Malia Ann, bet ganet e 1998, ha Natasha ("Sasha"), bet ganet e 2001. Bevañ a raent e Chicago, met bremañ int deuet da chom d'an Ti Gwenn d’an 20 a viz Genver, 2009.

A-raok dont da brezidant[kemmañ]

Dont a reas da vezañ senedour Illinois eus 1997 da 2004, ha senedour er C’hongress amerikan eus 2005 da 2008.

Amzervezh prezidant[kemmañ]

Deuet eo Obama da vezañ Prezidant ar Stadoù-Unanet d'an 20 a viz Genver 2009.

Fall e oa stad an ekonomiezh pa oa bet anvet da Brezidant. Goulennet en deus digant ar C'hongress ur sammad dreistordinal a 787,000,000,000 a zollaroù evit klask lakaat un termen da giladenn an ekonomiezh. Graet eo bet ar Stimulus Bill eus ar plan-se gantañ. Degaset en deus arc'hant ivez d'ar bankoù ha d'ar c'hompagnuezhioù sevel kirri.

Liammoù diavaez[kemmañ]



Flag of the United States.svg Kronologiezh Prezidanted ar Stadoù-Unanet abaoe 1789
(gwelet ivez : Istor - Stadoù-Unanet Amerika - Ti Gwenn)
Great Seal of the United States (obverse).svg

1789 : Washington
1797 : J. Adams
1801 : Jefferson
1809 : Madison
1817 : Monroe
1825 : J. Q. Adams
1829 : Jackson
1837 : Van Buren
1841 : W. H. Harrison

1841 : Tyler
1845 : Polk
1849 : Taylor
1850 : Fillmore
1853 : Pierce
1857 : Buchanan
1861 : Lincoln
1865 : A. Johnson
1869 : Grant

1877 : Hayes
1881 : Garfield
1881 : Arthur
1885 : Cleveland
1889 : B. Harrison
1893 : Cleveland
1897 : McKinley
1901 : T. Roosevelt
1909 : Taft

1913 : Wilson
1921 : Harding
1923 : Coolidge
1929 : Hoover
1933 : F. D. Roosevelt
1945 : Truman
1953 : Eisenhower
1961 : Kennedy
1963 : L. B. Johnson

1969 : Nixon
1974 : Ford
1977 : Carter
1981 : Reagan
1989 : G. H. W. Bush
1993 : Clinton
2001 : G. W. Bush
2009 : Obama