Barack Obama

den
Reizh pe jener	paotr
Bro ar geodedouriezh	Stadoù-Unanet, Kenya
Anv e yezh-vamm an den	Barack Obama
Anv ganedigezh	Barack Hussein Obama II
Anv-bihan	Barack
Anv-familh	Obama
Moranv	Barry
Deiziad ganedigezh	4 Eos 1961
Lec'h ganedigezh	Kapiolani Medical Center for Women and Children
Tad	Barack Obama Sr.
Mamm	Stanley Ann Dunham
Leztud	Lolo Soetoro
Pried	Michelle Obama
Bugel	Sasha Obama, Malia Obama
Kar	Stanley Armour Dunham, Lolo Soetoro, Madelyn Dunham
Familh	family of Barack Obama
Yezh vamm	saozneg
Yezhoù komzet pe skrivet	saozneg, indonezeg
Yezh implijet dre skrid	saozneg
Tachenn labour	civil rights, constitutional law
Implijer	Business International Corporation, New York Public Interest Research Group, Gamaliel Foundation, Sidley Austin, University of Chicago
Karg	Prezidant ar Stadoù-Unanet, member of the State Senate of Illinois, senedour Stadoù-Unanet Amerika, senedour Stadoù-Unanet Amerika, President-elect of the United States
Diplom skol-veur	Bachelor of Arts, Juris Doctor
Lec'h annez	Kalorama
Lec'h labour	Washington D.C., Chicago
Strollad politikel	Strollad Demokratel
Strollad etnek	Afroamerikaned
Relijion	Protestantiezh, Congregational churches, congregationalist polity, United Church of Christ
Liv an daoulagad	gell
Rumm-gwad	AB
Kleñved	gastroesophageal reflux disease, COVID-19
Has pet	Bo, Sunny
Handedness	Kleizard
Perzhiad e	commencement at the Knox College, commencement at the University of Notre Dame, World Government Summit 2016
Oberenn heverk	A Promised Land
Diellaouet gant	Stuart A. Rose Manuscript, Archives, and Rare Book Library
Ezel eus	American Academy of Arts and Sciences, American Philosophical Society, 109th United States Congress, 110th United States Congress, Congressional Black Caucus
Ideologiezh politikel	Gwregelouriezh, gun control
Levezonet gant	Nipsey Russell, Reinhold Niebuhr, Saul Alinsky
Darvoud-alc'hwez	first inauguration of Barack Obama, second inauguration of Barack Obama, Obama spying contra-Trump allegations
Bet kinniget evit	Grammy Award for Best Audio Book, Narration & Storytelling Recording, NAACP Image Award for Outstanding Literary Work, Nonfiction
Lec'hienn ofisiel	https://barackobama.com
Deskrivet en URL	http://www.treccani.it/enciclopedia/barack-obama_(Il-Libro-dell'Anno)/, https://www.whitehouse.gov/about-the-white-house/presidents/barack-obama/
Deskrivet dre	Situation Room
Teuliad arzour e	Smithsonian American Art and Portrait Gallery Library
Personal pronoun	L485

Barack Hussein Obama II (distaget /bəˈɹɑːk oʊˈbɑːmə/), bet ganet d'ar 4 a viz Eost 1961 e Honolulu, zo ur politikour eus ar Stadoù-Unanet, a voe 44vet prezidant ar vro-se.

Genidik e oa e dad du eus Kenya hag e vamm wenn eus Kansas, sellet e vez outañ evel prezidant afroamerikan kentañ SUA eta. Studioù en deus graet e Skol-veur Columbia hag e Skol-veur Harvard. Da senedour e oa bet dilennet e stad Illinois er bloaz 2005, hag eñ an hini yaouankañ eus holl senedourien ar vro.

Ezel eo eus ar Strollad demokrat, hag e oa aet war ar renk evit dont da vezañ danvez-prezidant an demokrated evit dilennadeg prezidant ar Stadoù-Unanet e miz Du 2008.
Gounezet en doa war Hillary Clinton evit bezañ danvez-prezidant ar strollad demokrat. D'ar 4 a viz Du 2008 e voe trec'h war John McCain (republikan), ha dilennet e voe da brezidant Stadoù Unanet Amerika. D'an 20 a viz Genver 2009 e voe e-karg. Addilennet e voe d'ar 6 a viz Du 2012 evit un eil prantad pevar bloaz, a-enep ar republikan Mitt Romney.

Bugaleaj ha studioù[kemmañ | kemmañ ar vammenn]

E dad, Barack Obama Senior, a oa un ekonomour hag ur politikour eus Kenya, bet ganet e 1936 ha marvet e 1982 en ur gwallzarvoud karr-tan en Afrika. E dad-kozh a-berzh e dad a oa Hussein Onyango Obama (1895-1979), diwar-se e eil anv-bihan.

Savet e oa bet e dad en un endro muzulman met dizoue e oa.

E vamm a oa Stanley Ann Dunham (1942-1995), ur vaouez wenn anezhi. Savet en un endro kristen, met agnostik e oa-hi. Diwar ur c'hrign-bev eo marvet.

Desavet eo bet Barack Junior gant e dud-kozh a-berzh mamm. Torret e voe dimeziñ e dud e 1964, ha Barack n'en deus gwelet e dad nemet ur wech en e vuhez, d'an oad a zek vloaz.

E 1965 ec'h addimezas e vamm gant un den eus Indonezia, bevañ a reas Barack eno ganto e-pad 4 bloaz. Un hanterc'hoar en deus bet, Maya Soetoro. Kelennerez eo-hi bremañ e Hawaii. E vamm-gozh a-berzh-mamm a oa aet da Anaon dres a-raok na vije aet an trec’h gant he mab-bihan d'an dilennadegoù prezidant.

Goude mont kuit eus ar skol e reas studioù uhel adalek 1979. Mont a reas da Skol-Veur Columbia (e kêr New York) ma tapas un testeni war ar skiantoù politikel hag arbennik war an darempredoù etrebroadel e 1983.

Tiegezh[kemmañ | kemmañ ar vammenn]

Dimezet eo Barack Obama gant Michelle Obama abaoe 1992. Gwiraourez eo bet.
Div verc'h zo dezho, Malia Ann, bet ganet e 1998, ha Natasha ("Sasha"), bet ganet e 2001. Bevañ a raent e Chicago kent mont da chom d'an Ti Gwenn.

A-raok dont da brezidant[kemmañ | kemmañ ar vammenn]

Dont a reas da vezañ senedour Illinois eus 1997 da 2004, ha senedour er C’hongres amerikan eus 2005 da 2008.

Amzervezh prezidant[kemmañ | kemmañ ar vammenn]

Fall e oa stad an ekonomiezh pa oa bet anvet da Brezidant goude George Walker Bush. Goulennet en deus digant ar C'hongres ur sammad dreistordinal a 787 000 000 000 a zollaroù evit klask lakaat un termen da giladenn an ekonomiezh. Graet eo bet ar Stimulus Bill eus ar raktres-se gantañ. Degaset en deus arc'hant ivez d'ar bankoù ha d'ar c'hompagnunezhioù sevel kirri.