Tristan (anv-badez)

Trestan^[1], pe Tristan^[2], zo un anv-badez brezhonek a gaver e meur a yezh all.

Gerdarzh[kemmañ | kemmañ ar vammenn]

Keltiek e vije, diwar un anv predenek Drust pe Drustanus, diwar ur ger drest, drystan a dalvezfe trouz, dispac'h. Hervez lod e vije diwar ur stumm piktek Drostan. Levezonet e vije bet gant ar ger latin tristus, a gaver e bar koulz e brezhoneg evel e kembraeg pe e galleg.

Stummoù all[kemmañ | kemmañ ar vammenn]

Tristram, Tristen, Tristian, Tristin, Triston, Tristyn , Trestan, Trystan.
Tristano, en italianeg
Tristão e portugaleg
Tristane, ha Tristana, anvioù merc'hed
Dunstan, Duncan.

Gouel[kemmañ | kemmañ ar vammenn]

19 a viz Mae : sant Dunstan.
12 a viz Du : sant Tristan.

Orin ha brud an anv[kemmañ | kemmañ ar vammenn]

Anavezet eo an anv evel hini ar marc'heg karet gant Izold, e mojenn Tristan hag Izold, brudet adal ar Grennamzer el lennegezh c'hallek hag alamanek.

En XIX^vet kantved eo bet brudet adarre gant c'hoarigan Richard Wagner, Tristan und Isolde.

En em ledet eo bet an anv dre brud mojennoù An Daol Grenn, un tamm evel ma vez brudet un anv amerikan gant ur film pe ar skinwel hiziv ; meur a film zo bet diwar ar vojenn.

Emañ Tristan e-touez ar 1 000 anv roet ar muiañ d'ar baotredigoù abaoe 1971 er Stadoù-Unanet^[3].

Tud[kemmañ | kemmañ ar vammenn]

Sant Drostan, manac'h hag abad war-dro ar bloaz 610 ; diskibl da sant Kolomba ; abad Deer (Dier), e kontelezh Aberdeen ; avieler hanternoz Bro-Skos. Lidet d'an 11 a viz Gouhere pe d'ar 15 a viz Kerzu,
Tristano di Chiaromonte (Tristan de Clairmont), kont gall a vevas e Naplez e deroù ar XV^vet kantved,
Tristão da Cunha (war-dro 1460 - war-dro 1540), moraer portugalat,
Tristán de Luna y Arellano, konkistador spagnol,
Tristano di Chiaromonte, kont italian,
Tristan Corbière, barzh breizhat gallek,
Tristan Bernard, skrivagner gallek,
Tristan Tzara, ur barzh dada.