Richard Wagner
Wilhelm Richard Wagner, ganet d'an 22 a viz Mae 1813, e Leipzig (e Rouantelezh Saks d'an ampoent) ha marvet d'an 13 a viz C'hwevrer 1883, e Venezia, a oa ur sonaozour alaman brudet evit e c'hoariganoù. Evel unan eus ar sonaozourien veurañ eus ar marevezh romantel e vez barnet ha c'hoariet e vez meur ag e oberennoù c'hoazh. An hini brudetañ eo Der Ring des Nibelungen a zo tennet Marc'hekadenn ar Valkiried anezhañ.
