Rieg

Rieg
Ar Bêlon etre Rieg ha Molan
Anv gallek (ofisiel)	Riec-sur-Belon
Bro istorel	Kernev
Melestradurezh
Departamant	Penn-ar-Bed
Arondisamant	Kemper
Kanton	Pont-Aven (betek 2015) Molan (abaoe 2015)
Kod kumun	29236
Kod post	29340
Maer Amzer gefridi	Sébastien Miossec 2008-2026
Etrekumuniezh	Kemperle Kumuniezh
Bro velestradurel	Bro Gerne
Lec'hienn Web	Ti-kêr
Poblañsouriezh
Poblañs	4 374 ann. (2022)
Stankter	80 ann./km²
Douaroniezh
Daveennoù lec'hiañ	47° 50′ Norzh 3° 42′ Kornôg
Uhelderioù	bihanañ 0 m — brasañ 94 m
Gorread	54,64 km²
Rieg

Rieg a zo ur gumun vrezhon eus Bro-Gerne e kanton Molan, e departamant Penn-ar-Bed, e mervent Breizh, war lez ar stêr Bêlon.

Anv

• Erwan Vallerie ː Rioc, XIvet; Rioch, 1220; Riec, c. 1330; Rieuc, 1368; Riec, 1382, 1516, 1536;

Gerdarzh

• Dont a ra an anv eus ar manac'h « Riog », er VI^vet kantved, a veve e-tal Kameled. Hervez ar vojenn e oa bet savetaet gant ar sent Derc'hen ha Neventer, a-dre krabanoù un aerouant, war lez an Elorn.

Ardamezioù

En aour e dreustell kommek en glazur karget gant teir c'hregilhenn en argant, heuliet ouzh kab gant ur vrizhenn erminig en sabel hebiaet gant div mailhenn en glazur, hag ouzh beg gant ul leonerez en gul

Aozer ː Yves Clech

Degemeret gant ar Gumunn ː Mae 1991

Brezhoneg

• D'ar 16 a viz Kerzu 2008 e oa bet votet ar garta Ya d'ar brezhoneg gant kuzul-kêr ar gumun.
• D'ar 5 a viz Mezheven 2009 e oa bet roet d'ar gumun al label Ya d'ar brezhoneg live 1.

Istor

Henamzer

• Un hent roman a gase eus Vorgium (Karaez bremañ) da Rieg; treuziñ a rae ar Bêlon, ur gedlec'h a ziwalle an tremenlec'h.

Dispac'h Gall

• Dekred eus ar 26 a viz Du 1790 war al le ret: e penn-kentañ 1791 e voe graet al le ouzh ar Roue, ar vro hag al lezennoù gant Quiniquidec, person, ha Dagorn, manac'h; nac'het e voe gober al le gant David, person, Gurudec, kure, ha Berthou, beleg evit sikour kofez.

XX^vet kantved

Brezel-bed kentañ

• Mervel a reas 169 gwaz eus ar gumun abalamour d'ar brezel, eleze 3,42% ag ar boblañs hervez an niveradeg bet graet e 1911.

Eil brezel-bed

• Mervel a reas 29 den ag ar gumun abalamour d'ar brezel.

Brezel Indez-Sina

• Mervel a reas c’hwec’h milour eus ar gumun.

Brezel Aljeria

• Mervel a reas daou vilour eus ar gumun.

Monumantoù ha traoù heverk

• 
• 

• Iliz katolik Sant Pêr.

Emdroadur ar boblañs abaoe 1962

Niver a annezidi

Tud

Tud ganet eno

• 1878 : Mélanie Rouat, keginerez ha pretiourez.

Ardamezeg ar Familhoù

	Ameline de Cadeville, Aotrounez Tredieg	Sourinet etre argant ha gul a eizh pezh; e gab en glazur karget gant un heol en aour

Gevelliñ

Bro	Kêr	Abaoe
Bro-Saoz	Ilminster	1992
Savoia	Morillon

Liammoù diavaez

• (br) Rieg war lec'hienn Geobreizh

Levrlennadur

• Michel Froger & Michel Pressensé : Armorial des communes du Finistère. 2001
• Pol Potier de Courcy : Nobiliaire et armorial de Bretagne. Adembannadur Editions des Régionalismes. Cressé. 2011/2014
• Bernard Tanguy : Dictionnaire des noms de communes, trèves et paroisses du Finistère. Chasse-Marée. ArMen. 1990
• Erwan Vallerie : Diazezoù studi istorel an anvioù-parrez. Corpus. An Here. 1995