Derc'hen

Eus Wikipedia
Mont da : merdeiñ, klask

Derc'hen zo un anv a zeu eus an henvrezhoneg "deru", derv, ha "gen", gouenn, lignez.

Testeni eus an anv-se a gaver dindan ar stumm "Dergen" en dekvet kantved (en 903) e diellevr Redon da envel unan eus pemp mab Roue Breizh a oa Alan Iañ e anv d'ar mare-se : "Pascuuethan et Dergen et Budic, filii ejus" (da lâret eo : Paskwezhen, Derc'hen ha Budig, e vibien). Derc'hen, deuet da vezañ Derrien e galleg, eo hendad lignez Elven hag an Argoed.

Sant Derc'hen[kemmañ | kemmañ ar vammenn]

Sant Derc'hen (VIIvet kantved) pe sant Derrien (s.o. kanaouennoù ar Barzhaz-Breizh) zo ur sant brezhon eus an Iliz katolik roman, liammet ouzh mojenn sant Neventer. Bet e oant war sikour aotrou ar Roc'h-Morvan en Eskopti Leon, a zieubjont diouzh un aerouant.

Hervez ar vojenn e implijas Derc'hen e stol da gas an euzhvil betek aod Mor Breizh, e Plouneour-Traezh, e lec'h ma lakaas anezhañ da veuziñ.

Lidet e vez e ouel d'ar 14 a viz C'hwevrer[1].

Notennoù[kemmañ | kemmañ ar vammenn]

  1. Nominis : Saint Derien

Liammoù diavaez[kemmañ | kemmañ ar vammenn]