Plouigno

Plouigno
An ti-kêr.
Anv gallek (ofisiel)	Plouigneau
Bro istorel	Bro-Dreger
Melestradurezh
Departamant	Penn-ar-Bed
Arondisamant	Montroulez
Kanton	Plouigno (pennlec'h)
Kod kumun	29199
Kod post	29610
Maer Amzer gefridi	Joëlle Huon 2020-2026
Etrekumuniezh	Montroulez Kumuniezh
Bro velestradurel	Bro Montroulez
Lec'hienn Web	(fr) plouigneau.fr
Poblañsouriezh
Annezidi	Plouignevad (-iz), Plouignevadez (-ed)
Poblañs	5 082 ann. (2020)
Stankter	78 ann./km²
Douaroniezh
Daveennoù lec'hiañ	48° 34′ 03″ Norzh 3° 42′ 05″ Kornôg
Uhelderioù	kreiz-kêr : 109 m bihanañ 17 m — brasañ 201 m
Gorread	64,82 km²
Plouigno

Plouigno a zo ur gumun eus Bro-Dreger ha penngêr kanton Plouigno, e departamant Penn-ar-Bed, e gwalarn Breizh.

Douaroniezh

Eieniñ a ra an Dourdu e Plouigno.

Kumunioù amezek :

Plouyann; Garlann; Lanneur; Bodsorc'hel; Plegad-Gwerann; Tremael; Plegad-Moezan; Ar Pontoù; Lanneanoù; Plougonven;

Anv

Stummoù skrivet

• Bernard Tanguy : Parochia lunau, XIIvet; Ploeigneau, c. 1330; Plouigneau, 1427
• Erwan Vallerie ː Parrochia Iunau, XIIvet; Ploeigneau, c. 1330; Plou Inio, 1630; Plou-Igné, 1636

Gerdarzh

Ploe + sant Winiau (Winniavus).

Ardamezioù

« Geoted, e groaz keltiek divouedet en aour »

Istor

Kent 1790

• J.B Ogée (1780) : 9 lev diouzh mervent Landreger, e eskopti; 35 lev diouzh Roazhon, ha 2 lev Montroulez, e eil-dileuriadurezh ha e veli. Ar barrez se a zo dindan ar roue. 4000 sakramant ez eus enni, en ur gontañ ar re Lanneanoù, e drev.

Dispac'h Gall

• Dekred eus ar 26 a viz Du 1790 war al le ret : e penn-kentañ 1791 e voe nac'het al le ouzh ar Roue, ar vro hag al lezennoù gant Babouy, person, ha Camus hag Hameury, kureed.

XX^vet kantved

Brezel-bed kentañ

• Mervel a reas 211 gwaz eus ar gumun abalamour d'ar brezel, eleze 4,76% ag ar boblañs hervez an niveradeg bet graet e 1911.

Eil brezel-bed

• Mervel a reas 38 den ag ar gumun abalamour d'ar brezel.
• D'ar 4 a viz Gouere 1944 e kouezhas un nijerez Spitfire marilhet BL233 ha kodet AZ-? eus ar Royal Air Force e Plouigno ; tapet e voe he levier d'an Alamaned.
• Un nijerez alaman Junkers Ju 88 A-6 (marilhet WNr 3392) eus an aerlu alaman (Luftwaffe) a gouezhas er gumun d'an 23 a viz Gouhere 1941, mervel a reas pevar nijour, douaret int e Plouzeniel.
• D'an 9 a viz Eost 1944 e kouezhas ur c'harr-nij P-51D-5NA (anvet "Fool's Paradise IV", marilhet 44-13309 ha kodet A9-A, 363vet FG, 380vet FS) eus aerlu ar Stadoù-Unanet (United States Army Air Forces) e Plouigno, e leviour a voe adkavet gant e genvroidi.

Brezelioù didrevadennañ

Brezel Indez-Sina

• Mervel a reas pevar milour eus ar gumun.

Brezel Aljeria

• Mervel a reas daou vilour eus ar gumun.

XXI^vet kantved

Kresket eo bet ar gumun d'ar 1añ a viz Genver 2019 goude bezañ bodet gant ar Pontoù.

Monumantoù ha traoù heverk

• Iliz katolik Sant Yuniav (bet lakaet war anv Saint-Ignace) a zo bet savet e 1863 en doare gotek.
• Kastell Goesbriand
• Kastell Lanidi
• Maner ar Mur
• Maner Grainville
• Maner Kerangwez
• Maner ar Sal

Poblañs

Emdroadur ar boblañs abaoe 1962

Niver a annezidi

Melestradurezh

Listenn maered Plouigno
Mare		Anv	Strollad	Karg
2010	bremañ	Rollande Le Houérou	dehoù diseurt
1980	2010	Joseph Urien	dehoù

Tud

• Aufrai Goësbriand : aotrou Goësbriand; kabiten hanter-kant goaf dindan Charlez VII. Gouarnour ar gêr hag ar c'hastell Saint-Macaire; letanant jeneral ar Bazadois.
• Tomas Kerveniou : (meneget e 1371) floc'h ouzh strollad Per Tournemine;
• Per Talhouet : kuzulier an dug Yann V
• Yann Talhouet : eskob Landreger e 1502
• Yann Talhouet : kannad Anna Vreizh e Francfurt
• Ael Guernisac

Ardamezeg ar familhoù

	Acigné, aotrounez Kervenniou ha la Ferté ː En erminoù e dreustell zivouedet en gul karget gant teir flourdilizenn en aour. Ger-ardamez : Neque terrent monstra
	Adam, aotrounez Tourault ː En aour, e dour kranellet en sabel, leinet gant un dourigan ivez en sabel
	Calloët, aotrounez Lanidy ː En aour e dreustell en glazur, leinet gant ur voualc'henn ivez en glazur
	de Coëtlogon, aotrounez Ancremel En gul e zri skoedig en erminoù

Gevelliñ

• Breitenbrunn (Alamagn) abaoe 1991

Liammoù diavaez

Sellit ouzh ar ger Plouigno er
wikeriadur, ar geriadur frank.

• (fr) plouigneau.fr, lec'hienn ofisiel ar gumun
• (br) Plouigno war lec'hienn Geobreizh

Levrlennadur

• Bernard Tanguy : Dictionnaire des noms de communes, trèves et paroisses du Finistère. Chasse-Marée. ArMen. 1990
• Erwan Vallerie : Diazezoù studi istorel an anvioù-parrez. Corpus. An Here. 1995