Ploermael

Ploermael
An ti-kêr.
Anv gallaouek	Ploermaèu
Anv gallek (ofisiel)	Ploërmel
Bro istorel	Bro-Sant-Maloù
Melestradurezh
Departamant	Mor-Bihan
Arondisamant	Pondi
Kanton	Ploermael (pennlec'h)
Kod kumun	56165
Kod post	56800
Maer Amzer gefridi	Patrick Le Diffon 2020-2026
Etrekumuniezh	Ploermael Kumuniezh
Bro velestradurel	Bro Ploermael - Kalon Breizh
Lec'hienn web	https://www.ploermel.bzh/
Poblañsouriezh
Poblañs	9 785 ann. (2020)
Stankter	169 ann./km²
Douaroniezh
Daveennoù lec'hiañ	47° 55′ 57″ Norzh 2° 23′ 46″ Kornôg
Uhelderioù	kreiz-kêr : 75 m bihanañ 19 m — brasañ 106 m
Gorread	57,82 km²
Ploermael

Ploermael a zo ur gumun eus Breizh e departamant ar Mor-Bihan. Pennlec'h kanton Ploermael eo.

Douaroniezh

Er Porc'hoed, e-kreiz Breizh emañ Ploermael.

Anv

• Erwan Vallerie ː Plebs Arthmael, 835; Plebe Arthmael, 859; Ploirmel, 1082; Arsmel de Plosmela; 1090; Plormer, XII^vet; Ploasmel,1118; Ploermel, 1124; Plormel, 1129; Ploismel, 1130; Plosmel, 1130; Plouearthmael, 1160; Ploarmell, 1239; Ploarmel, 1248; Plormel, 1251; Ploermel, Plermel, 1254; Ploarmel, 1267; Ploermel, 1270; Ploarmel, Ployarzmail, 1272, 1273; Ploynarzmail, 1274; Pluermel, 1280; Ploermel, Plormel, 1285; Ploermel, 1286; Plouarmel, Ploarmel, 1299; Ploermel, Ploarmel, 1288; Pleuarmel, 1290; Ploermel, Ploarmel, 1296; Plormel, 1298; Plermel, 1301; Ploarmel, Plermel, 1304; Ploermel, Plermel, 1306; Ploermoel, 1307; Plermel, 1311; Plermel, Plormel, 1312; Plermel, 1314; Ploearmael, Ploermael, 1315; Ploermel, 1344; Plermel, 1380; Ploermel, 1381; Plouermel, 1392; Plermel, Ploermel, 1394; Plermel, 1395, 1405, 1407; Ploermel, 1420; Plermel, 1424; Ploermel, Plermel, 1425; Plermel, 1437; Plaremel, 1439; Ploermel, 1450; Ploermellum, 1453; Plermel, 1455, 1462, 1481; Plormel, 1498

Ardamezioù

En erminoù e leonparzh leonek en sabel, kurunennet en glazur, o tougen en e bav dehou ur banniel en glazur karget gant pemp brizhenn erminig en argant, 3, 2

Sturienn ː Tenax in fide
D'Hozier, 1696. Froger & Pressensé; 1999

Istor

Staget eo bet ar gêr ouzh domani an dug e 1148

Dispac'h Gall

• Melestradurezh: krouet e voe ar gumun e 1790 diwar ul lodenn eus parrez katolik Ploermael, he zrev Chapel-Karozh a yeas d'ober ur gumun ivez. Gant al lezenn eus an 23 a viz Eost 1790 e voe lakaet Ploermael da benn ur c'hanton, hini Ploermael, ha da benn ur bann, hini Ploermael, nav c'hanton ennañ: Gwern-Porc'hoed, Kempenieg, Karozh, Loiad, Malastred, Maoron, Neant, Ploermael, Neant ha Serent. Gant Bonreizh Bloaz III (22 a viz Eost 1795) e voe lamet ar bannoù ha bodet e veze kuzulioù-kanton (ne chome tamm emrenerezh ebet gant kumunioù ar c'hanton). Brasaet e voe Kanton Ploermael e 1801 gant lezenn an 8 pluviôse an IX (28 a viz Genver 1801), dezhi an titl loi portant réduction du nombre de justices de paix. Lakaet e oa bet Ploermael da bennlec'h Arondisamant Ploermael krouet e 1800.
• Dekred eus ar 26 a viz Du 1790 war al le ret: embannet e voe bout mennet da nac'h al le ouzh ar Roue, ar vro hag al lezennoù gant ar person, Vavasseur e anv, tri c'hure, Josse, Dannion, Michel, pemp beleg, Besnard, Berruyer, Maubec, Gougeon ha Laval, ha gant Brouxel, aluzener an Ursulinezed.

XX^vet kantved

Brezel-bed kentañ

• 255 gwaz eus ar gumun a gollas o buhez abalamour d'ar brezel, d.l.e. 4,74 % eus he foblañs e 1911.

Eil Brezel-bed

• D'an 18 a viz Even 1940 e tegouezhas al lu alaman e Ploermael.
• D'an 9 a viz Mae 1944 e kouezhas ur c'harr-nij (Seafire III marilhet LR862) eus aerlu ar Rouantelezh-Unanet (Royal Air Force) e Ploermael; e nijour a voe tapet gant an Alamaned.
• 31 den eus ar gumun a varvas pa voe bombezet Ploermael gant ar Re Gevredet d'an 12 a viz Even 1944, 150 ti a voe distrujet; d'an 13 e voe bombezet Ploermael en-dro, met an holl annezidi o-doa tec'het an deiz kent; ar Re Gevredet a glaske distrujañ ar memm mirlec'h tireoul alaman er Bignon.
• D'ar 4 a viz Eost 1944 ez eas kuit an Alamaned eus Ploermael.
• 15 den eus ar gumun a voe fuzuilhet gant an Alamaned e Roazhon.
• Mervel a reas 18 den ag ar gumun abalamour d'ar brezel hervez monumant ar re varv hollek.

Trevadennoù

• Mervel a reas ur gwaz e Maroko e 1922, unan all e Brezel Indez-Sina hag unan e Brezel Aljeria.

XXI^vet kantved

Kresket eo bet ar gumun d'ar 1añ a viz Genver 2019 goude bezañ bodet gant Mousterrin.

Monumantoù ha traoù heverk

• Monumantoù ar re varv: monumant hollek (brezelioù), monumant ar re fuzuilhet e Roazhon e-pad an Eil Brezel-bed ha monumant an dud nann-soudard marvet pa voe bombezet Ploermael gant ar Re Gevredet d'an 12 a viz Even 1944

Poblañs

Emdroadur ar boblañs abaoe 1793

Melestradurezh

Brezhoneg

• Klasoù divyezhek (skol publik) a zo eno abaoe 1994.
• E distro-skol 2022 e oa 35 skoliad enskrivet er c'hlasoù divyezhek (3,5 % eus skolidi ar gumun evit a sell ouzh ar c'hentañ derez). https://www.brezhoneg.bzh/98-kelenn.htm

Tud

Tud bet ganet eno

• Alphonse Guérin, mezeg ha surjian gall, 9 a viz Eost 1816.

Tud bet marvet eno

• Yann-Vari de Lamennais, diazezour Urzh Frered an deskadurezh kristen a Bloermael, 26 a viz Kerzu 1860.

Ardamezeg ar familhoù

	Audren, aotrounez Maleville	En glazur e dri fenn gadgi en argant
	Avril, pe Apuril Raoul de l'Isle, allouez Ploermael e 1668	En argant e gebrenn en gul karget gant teir rozenn en aour, heuliet ouzh kab gant daou penn leon en sabel, hag ouzh beg gant ur steredenn ivez en sabel
	de Coëtlogon Aotrounez la Gaudinaye	En gul e zri skoedig en erminoù

Gevelliñ

• An Cóbh (Iwerzhon)

Liammoù diavaez

• (br) Ploermael war lec'hienn Geobreizh

Levrlennadur

• Michel Froger & Michel Pressensé : Armorial des communes du Morbihan. 1999
• Pol Potier de Courcy : Nobiliaire et armorial de Bretagne. Adembannadur Editions des Régionalismes. Cressé. 2011/2014
• Erwan Vallerie : Diazezoù studi istorel an anvioù-parrez. Corpus. An Here. 1995