Pleiben

Pleiben
An iliz katolik gant he c'hloz-iliz.
Anv gallek (ofisiel)	Pleyben
Bro istorel	Kernev
Melestradurezh
Departamant	Penn-ar-Bed
Arondisamant	Kastellin
Kanton	Pleiben (betek 2015) Brieg (abaoe 2015)
Kod kumun	29162
Kod post	29190
Maer Amzer gefridi	Amélie Caro 2020-2026
Etrekumuniezh	Kumuniezh kumunioù Pleiben-Kastellin-Porzhe
Bro velestradurel	Bro Kornôg Kreiz-Breizh
Lec'hienn web	Ti-kêr
Poblañsouriezh
Poblañs	3 579 ann. (2020)
Stankter	47 ann./km²
Douaroniezh
Daveennoù lec'hiañ	48° 14′ Norzh 3° 58′ Kornôg
Uhelderioù	bihanañ 14 m — brasañ 176 m
Gorread	76,04 km²
Pleiben

Pleiben a zo ur gumun e Bro-Gerne hag e kanton Brieg e departamant Penn-ar-Bed. Penn kanton e oa betek 2015. Er vroig Bidar emañ.

Douaroniezh

• Pleiben en em astenn etre ar Stêr Aon (pe « ar ganol ») e tu ar su hag an Dourdu (Doufine) en norzh.
• Ar stêrioù Doufin ha Riwal a gember etre Lopereg, Brasparzh ha Pleiben.

Ardamezioù

Rannet : ouzh 1 en sabel e arbenn buoc'h en aour ouzh kab ; ouzh 2 en glazur e danvouezenn ed en aour ouzh beg ; e wifrell en argant balirant karget gant teir brizhenn erminig en sabel.

Istor

Dispac'h Gall

• Dekred eus ar 26 a viz Du 1790 war al le ret: e penn-kentañ 1791 e voe nac'het al le ouzh ar Roue, ar vro hag al lezennoù gant ar person, Tranvoez e anv, ha Guezengar, kure.

XX^vet kantved

Brezel-bed kentañ

• Mervel a reas 289 gwaz eus ar gumun abalamour d'ar brezel, eleze 5,22% ag ar boblañs hervez an niveradeg bet graet e 1911.
• 1915: fuzuilhet e voe ur soudard bet ganet e Pleiben (pe er C'hastell-Nevez) hag o chom e Pleiben gant al lu gall d'ar 15 a viz C'hwevrer 1915 e Proven (Flandrez Belgia).
• 1916: fuzuilhet e voe ur soudard bet ganet er gumun gant al lu galld'ar 5 a viz Mezheven e Sainte-Menehould (Bro-C'hall).

Eil brezel-bed

• Mervel a reas 25 den ag ar gumun abalamour d'ar brezel.

Brezelioù didrevadennañ

Brezel Indez-Sina

• Mervel a reas pemp milour eus ar gumun.

Brezel Aljeria

• Mervel a reas daou vilour eus ar gumun.

Monumantoù ha traoù heverk

• Iliz katolik Sant Jermen (XVI^vet kantved) e kreiz ar c'hloz-iliz.
• Kalvar.
• Chapel an Dreinded.
• Chapel Lanneleg.

An iliz-parrez hag ar c’halvar

• 

  Tu an norzh

• 

  Tu ar c'hornôg

• 

  Tu ar c'hornôg

• 

  tu ar su

• Monumant ar re varv, luc’hskeudennoù.

Emdroadur ar boblañs abaoe 1962

Niver a annezidi

Brezhoneg

• E distro-skol 2022 e oa enskrivet er skol Diwan hag er c'hlasoù divyezhek 28 skoliad (8,3% eus skolidi ar gumun evit a sell ouzh ar c'hentañ derez). https://www.brezhoneg.bzh/98-kelenn.htm

• D'an 8 a viz Genver 2021 e oa bet votet emezelañ d'ar garta Ya d'ar brezhoneg gant Kuzul-kêr ar gumun. Al live 1 oa bet roet d'ar gumun.

Tud

Tud bet ganet eno

• 1695 ː Charles-Guy Le Borgne de Kermorvan, bet vikel bras eskopti Leon, hag eskob Treger eus 1746 da 1761.

• 1881 : Yann ar Floc'h, skrivagner brezhonek.
• 1888: Yves Gaonac'h, ganet d'ar 17 a viz Eost er er C'hastell-Nevez hag o chom e Pleiben, soudard en 3e Batailhon Kerzhet Troadegiezh skañv Afrika, fuzuilhet gant al lu gall d'ar 15 a viz C'hwevrer 1915 e Proven (Flandrez Belgia) evit «dilez post dre emvuturgn» ha «dizerterezh en estrenvro»; douaret eo e bered-veur al lu gall en Ablain-Saint-Nazaire‎ (departamant Pas-de-Calais ,Bro-C'hall).
• 1889: Guillaume Bernard, ganet d'an 29 a viz Ebrel, soudard er 64vet rujumant war-droad, fuzuilhet d'ar 5 a viz Mezheven 1916 e Sainte-Menehould evit «ravolt».
• 1897 : Yeun ar Gow, skrivagner brezhonek.

Tud bet marvet eno

• 1936 : Yann ar Floc'h, skrivagner brezhonek.

Liammoù diavaez

• (br) Pleiben war lec'hienn Geobreizh
• (fr) Bretagne sacrée diwar-benn Chapel Lanneleg