Maryse Condé

Eus Wikipedia
Aller à la navigation Aller à la recherche
Maryse Condé e 2008

Maryse Condé (ganet d'an 11 a viz C'hwevrer 1937 e Pointe-à-Pitre) zo ur skrivagnerez eus Gwadloup. Anavezet eo abalamour ma sav a-du gant dizalc'hted Gwadloup[1] ha gant an hollafrikanouriezh.

Buhez hag oberenn[kemmañ | kemmañ ar vammenn]

An hini diwezhañ eo Maryse Boucolon eus ur familh eizh a vugale. A-hed he yaouankiz eo bet troet gant al lennegezh. E 1953 e oa aet da Bariz da studiañ al lennegezh keñveriet er Sorbonne. Daremprediñ a rae studierien all eus an Antilhez hag eus Afrika.

E 1958 e timezas d'ar studier eus Ginea, Mamadou Condé. Pevar bugel o deus bet asambles. Labouret he deus Maryse Condé e meur a vro eus Afrika : e Ginea, Aod-an-Olifant, Ghana ha Senegal. E 1973 e tistroas da Bariz da gelenn al lennegezh c'hallek e meur a skol-veur (Jussieu, Nanterre, Sorbonne Nouvelle). Eno ivez e reas un dezenn war lennegezh an Antilhez.

Dispartiañ a reas diouzh he gwaz e 1981 hag addimeziñ er bloaz war-lerc'h da Richard Philcox, a droas he skridoù e saozneg. Pa oa e Mali e 1984 e savas Segou : Les murailles de terre, a reas kalz a verzh, hag a voe heuliet e 1985 gant Segou : La terre en miettes. En daou levr-se e kont diskar impalaeriezh ar bobl bambara e Mali en XIXvet kantved.

Etre 1985 ha 2004 e kelennas lennegezh c'hallek Afrika e skol-veur Columbia e New York. Bevet he deus a-bep-eil e New York hag e Gwadloup. Abaoe m'emañ e retred emañ o chom e Gordes, e Provañs.

E 2018 e oa bet roet dezhi ar priz lennegel a oa bet savet e-lec'h ar Priz Nobel ha ne oa ket bet roet er bloavezh-se.

Levrioù[kemmañ | kemmañ ar vammenn]

  • Heremakhonon (1976)
  • Une saison à Rihata (1981)
  • Segou; Les murailles de terre (1984)
  • Segou; La terre en miettes (1985)
  • Moi, Tituba sorcière... (1986)
  • Haïti chérie (1986)
  • La vie scélérate (1987)
  • En attendant le bonheur (1988)
  • Hugo le terrible (1989)
  • The Children of Segu (1989)
  • Tree of Life (1992)
  • La colonie du nouveau monde (1993)
  • La migration des cœurs (1995)
  • Traversée de la mangrove (1995)
  • Pays mêlé (1997)
  • Desirada (1997)
  • The Last of the African Kings (1997)
  • Windward Heights (1998)
  • Le cœur à rire et à pleurer (1999)
  • Cèlanire cou-coupé (2000)
  • La Belle Créole (2001)
  • La planète Orbis (2002)
  • Rêves amers (2005)
  • Histoire de la femme cannibale (2005)
  • Uliss et les Chiens (2006)
  • Victoire, les saveurs et les mots (2006)
  • Comme deux frères (2007)
  • Les Belles Ténébreuses (2008)
  • En attendant la montée des eaux (2010).
  • La Vie sans fards (2012)
  • Mets et Merveilles (2015)
  • Le Fabuleux et Triste Destin d’Ivan et d’Ivana (2017).

Notennoù[kemmañ | kemmañ ar vammenn]