Skinwel
Un danvez pennad eo ar pennad-mañ ha labour zo d'ober c'hoazh a-raok e beurechuiñ.
Gallout a rit skoazellañ Wikipedia dre glokaat anezhañ.
| Iskevrennad eus | skignañ, mediaoù, rann ekonomikel  |
|---|---|
| Tachenn obererezhioù | TV industry |
| Dizoloer pe ijiner | Charles Francis Jenkins, Philo Farnsworth, Kenjirō Takayanagi, John Logie Baird |
| Produ | abadenn skinwel |
| Dezverket dre | enor skinwel, television award ceremony |
| Istor | history of television |
| Sant paeron | Chiara d'Assisi |
| Pleustret gant | announcer |
| International Standard Industrial Classification code Rev.4 | 6020 |
| Arouezenn Unicode | 📺 |
Ar skinwel a zo un teknik dezhañ e bal treuzkas, dre orjal pe dre wagennoù skindredanel, skeudennoù fiñv pe arvestoù bev, a-gevret gant ur son peurvuiañ, da vezañ gwelet war ar prim war ur skramm, keñver un ardivink resever a reer skinweler anezhañ.
Orin ar ger
[kemmañ | kemmañ ar vammenn]skin + gwel evit treuzskrivañ ar galleg radio(télé)vision. Kavet e vez ivez an televizion hag ar bellwelerez. Gerioù nes : skignerezh, skingaser, skingasadenn, skingomz, skinpeul.
Istor ar gavadenn
[kemmañ | kemmañ ar vammenn]Ret e voe kavout un tu da dreuskas, dre ur red-tredan pe dre ur skin, elfennoù ur skeudenn lerc'h ouzh lerc'h goude bezañ o dezrannet poent ha poent, linenn ha linenn.
En deroù e voe embreget ur wikefre a-benn ergerzhet un teskad marellek a gelloù fototredanek, met kavet e voe un doare efedusoc'h en ur skannañ anezho gant ur feskennig elektronioù.
Ar marelladur a zo bet deskrivet gant George R. Carey (Amerikan) e 1877.
Ar skannañ a zo bet deskrivet gant Constantin Senlecq (Gall) e 1879 en ur "télectroscope" gant ur holldreser (pantograf) a-dreñv d' ur skramm treuzwelus. .
- 1884, un ijinour alaman a zisklaer un breou e lec'h m'eo deskrivet un teleskop-tredan (elektrische Teleskop) ennañ ur pladenn toullet hervez tres un droellenn o treiñ evit elfennañ pep a linenn war ur skeudenn deuet eus un werenn-pal.
- 1905 Lee de Forest, ur stadunanat, a grou ar gorzenn elektronek
- 1907 Boris Rosing, ur Rusian, a ziskouez eo posupl implijout un gorzenn gatodik (krouet araozañ) evit elfennañ ar skeudennoù dre ar gwagennoù elektromagnetek
- 1908 Ar Saoz Campbell a ginnig ma vo implijet ur gorzenn gatodik aozet evel ur skramm evit an elfennañ koulz hag an eilañ
- 1923 Ar Rusian Wladimir Kosma Zworykin a zeskriv ur skinweler hollelektronek a c'hellfe produiñ skeudennoù fiñvus, met ne vo ket krouet a-raok ur pemzek bloavezh bennak
- 1928 John Logie Baird, ur Saoz, a labour war ur skinwel e liv
- 1929 Skingasadennoù kentañ ha skignet ingal e Bro-Saoz
- 1930 Skingasadennoù kentañ e Bro-Alamagn (skramm 30 linenn)
- 1934 E Bro-C'hall ez eus etre 400 ha 500 skinweler evit an arnodoù. Anvet eo an doare-ober-se ar radiovision
- 1935 Skingasadenn gentañ diwar skingaser an Tour Eiffel e Pariz
- 1938 Skeudennoù e 445 linenn kaset diwar an Tour Eiffel e Pariz
- 1944 Kentañ skingasadennoù e liv e Bro-C'hall
- 1948 Skeudennoù e 819 linenn e Pariz evit kantadoù a skinwelerioù-arnod
- 1951 E New York ez eus bet diskouezet ur skinwel e liv
- 1954 An embregerezh RCA a grog gant produiñ ur skinweler e liv (skramm : 30 cm)
- 1956 Kentañ ardivinkoù-enrollañ ar video
- 1962 Kaset eo bet d'an neñv al loarell Telstar evit ar skingasadennoù treuzatlantel
- 1967 Skingasadennoù kentañ e liv e Bro-C'hall hervez an doare-ober SECAM
- 1976 Skeudenrollerioù kentañ a zo bet fardet (enrollañ war gasedoù)
- 1977 Arnodoù kentañ an doare-ober Antiope evit ar teletext
- 1978 Skeudenrollerien gwerzhet e Bro-C'hall
- 1980 Ar reolad MAC (reolad) ijinet ganr ar Saozon evit ar skinwel niverel dre loarelloù
- 1989 Degemeret eo ar ment 16/9 evit ar skrammoù
- 1993 Kentañ boked skinwel er Stadoù-Unanet
- 1996 Kentañ boked skinwel e Bro-C'hall
- 2005 Skinwel niverel douarel e Bro-C'hall