Koef

Krogit e-barzh !
Un danvez pennad eo ar pennad-mañ ha labour zo d'ober c'hoazh a-raok e beurechuiñ.
Gallout a rit skoazellañ Wikipedia dre glokaat anezhañ.

Maouezed an Enez Vriad o lakaat kaoc'h-saout da sec'hañ, e-tro 1900. Ha koefoù pe vonedoù zo ganto ?

Pried Théodore Botrel e koef Fouenant, e-tro 1908

Ur c'hoef zo ur pennwisk a veze gant ar merc'hed e Breizh hag e meur a vro all, betek kreiz an XX^vet kantved. Dont a ra moarvat eus ar boned a zo bet kaeraet gant an amzer.

Dont a ra an anv eus ar ger gallek coiffe (1680 ; latin izel cofia ~550, eus ar ger germanek °kufia "tokarn"), hag a dalveze evit kement tra a vez lakaet war ar penn, un tamm evel ar boned eta.
E saozneg e lavarer bonnet, a vez troet e brezhoneg gant boned alies. Goude d'ar gerioù bezañ hañval a orin eo disheñvel o ster.

Koefoù Breizh[kemmañ | kemmañ ar vammenn]

Koefoù a veze gwelet c'hoazh gant ar re gozh en un nebeud kornioù, Bro-Vigoudenn ha Plougastell-Daoulaz dreist-holl, er bloavezhioù 1950.
E miz Meurzh 2011 e oa poltred ar Vigoudenn goefet diwezhañ war golo ar gelaouenn Bretons Magazine niverenn 63.
Hiziv e vezont douget dreist-holl gant merc'hed ar C'helc'hioù Keltiek ha kentoc'h en hañv pa vez dibunadegoù folklorel.