Janed Belleville

Eus Wikipedia
Sauter à la navigation Sauter à la recherche
Ardamezioù an tiegezh Moñforzh

Janed Belleville (Jeanne de Belleville e galleg), lesanvet Tigrez Vreizh, a voe ganet war-dro ar bloavezh 1300, e Breizh pe e Poatev. Morbreizherez e oa deuet da vezañ dre ma felle dezhi kaout he dial. Dimezet eo bet da Jafrez Kastell-Briant (1293-1326) da gentañ, ha da Olier IV Klison goude. Mamm e oa da Olier V Klison.

Buhez[kemmañ | kemmañ ar vammenn]

E 1343 e voe kondaonet Olier IV Klison da vezañ dibennet war urzh ar roue gall Fulup VI (Bro-C'hall), abalamour m’en dije trubardet anezhañ. Pa’z eas da Bariz da gemer perzh en un tournamant e voe barnet goude bezañ savet a-du gant Yann Moñforzh hag enep Charlez Bleaz, hag a oa breur-kaer da Fulup VI, e-kerzh Brezel hêrezh dugelezh Breizh.
Penn Olier a voe kaset da Naoned ha staget ouzh ur peul war kranelloù kastell ar Bouffay. Ne c’helle ket Janed gouzañv kement-se, hag e soñje dezhi e oa bet muntret he gwaz gant Charlez Bleaz. Neuze e prometas-hi he devije he dial. Al lod brasañ eus noblañsed Breizh a savas a-du ganti, ha brezel a voe etrezo ha roue Bro-C’hall ha Charlez Bleaz. Janed Belleville a brenas ur vag hag a grogas da breizhata ar bagoù kenwerzh gall.
Trec’h e voe e-pad ur pennad, met er fin e reas peñse. Evit derc’hel d’he stourm e timezas un eil hag un trede gwech zoken.
Mont a reas da repuiñ da Vro-Saoz gant he daou vugel, hag eno e timezas gant Walter Bentley, letanant da Edward III e Breizh, ha kabiten an armeoù saoz a vrezelas gant Yann Moñforzh (1294-1345) enep Charlez Bleaz.
Aet skuizh gant he buhez morlaerez ez eas Haned da dremen fin he buhez en Henbont, gant kont ha kontez Moñforzh. Miret e voe outi distreiñ d’he c’hastell, a oa e Blaen (roet e oa bet da Louis de Poitiers), ha distreiñ ivez d’he zi, a oa e fabourz Naoned.
Mervel a reas e 1359, e Bro-Saoz sur a-walc’h.
Unan eus he femp mab a zeuas da vezañ Olier V Klison.

Levrlennadur[kemmañ | kemmañ ar vammenn]

  • (fr) Gilles Lapouge : Les Pirates, forbans, flibustiers, boucaniers et autres gueux de mer, Phébus, 2012 (ISBN 978-2-7529-0819-3)