Strollad ar Vro Bagan

Strollad ar Vro Bagan a zo ur strollad c'hoariva.

Strollad ar Vro Bagan

Savet e voe Strollad ar Vro Bagan e Plouneour-Traezh er bloavezh 1973-1974, e diabarzh Oaled Sevenadurel ar Vro Bagan (1965). E 1979 eo deut da chom da Blougerne el lec'h m'emañ atav bremañ. Adalek 1982 ez eus bet tud a vicher er strollad evit sevel pezhioù diouto o-unan (evit ar vugale hag evit ar re gozh) hag evit ober war-dro ar pezhioù-c'hoari brasoc'h, ma c'hoari tud all ivez ha n'int ket tud a vicher.

Sevel a ra ar strollad pezhioù-c'hoari e brezhoneg, e galleg-brezhoneg, pe e galleg. Danvez Breizh ha Keltia a vez pleustret gant Ar Vro Bagan : ar yezh, ar sevenadur, an istor.

Prizioù

E 2013 e oa bet roet da Strollad ar Vro Bagan priz kentañ « Prizioù dazont ar brezhoneg », rummad "C'hoariva" gant Ofis Publik ar Brezhoneg ha Frañs 3 Breizh e anv Rannvro Breizh.

Pezhioù-c'hoari savet

Setu un nebeud pezhioù-c'hoari abaoe ar penn-kentañ:

Meurlarjez (Roparz Hemon, 1976)
Ma c'helljen-me kanañ laouen (1977)
Buhez Mikael an Nobletz (1978)
Nominoe-oe (Jakez Riou, 1980)
Spontus Circus (1982)
Kernevez City (1983)
Ar Baganiz (Tangi Malmanche, 1984)
Yann-Vari Perrot (1986)
Ys la maudite (1987)
Kenavo my love (1988)
Liberta (1989)
Cantique à Melilla (Xavier Grall, 1989)
Les nuits de Kerjean (1990)
Ar Basion Vras (1991)
An Arar hag ar Stered (S. O'Casey, 1992)
Ys la maudite (doare nevez, 1993)
Et à la fin était le Bang (1993)
Tristan et Iseut (1994)
Ar Roue Marc'h (1994)
Amoko II (1995)
Ar mestr (Naig Rozmor, 1996)
Johniged an Hilda (2002)
Breizh Aktu (2003)
Gwerz ar Vezhinerien (2005)
Fest ar pimoc'h (2006)
- Perles de banquiers 2007
- Bag an Ankou 2008
- Gwerz Nedeleg 2009
- Armorica Breiz ; 2011
- Ar gêr vras 2011
- Divroa 2012
- Ar Bonedou Ruz 2017
- Ar Roue Arzhur, 2023