Keltia

Setu ur pennad diechu hag a denn d'an istor. Gallout a rit reiñ un tamm skoazell, ha kreskiñ ar pennad: krogit e-barzh. Mar karfec'h reiñ hoc'h ali ha netra ken, grit 'ta e pajenn ar gaozeadenn.

Ar c'hwec'h bro geltiek a vremañ.

Keltia a vez graet a-wechoù e brezhoneg eus ar broioù keltiek, ar broioù ma komzer yezhoù keltiek.

A-wechoù evit komz eus hollad an douaroù poblet gant ar Gelted en istor, e-pad eil oadvezh an houarn, da lavarout eo Galia, Preden, Hibernia, Norika dreist-holl. A-wechoù ivez evit komz eus ar c'hwec'h bro geltiek a-vremañ.

Ur ger krouet en XIX^vet kantved eo, hag ul liv romantel zo dezhañ, evel d'ar gerioù Cambria ha Caledonia e saozneg, pe ar ger Armorique e galleg evit komz eus Breizh. Diazezet eo war ar meno ez a ar broioù a orin keltiek, pe e lec'h ma vez komzet yezhoù keltiek, d'ober ur gumuniezh, dezhi ur memes hêrezh. An hêrezh-se a c'hall bezañ sevenadurel pe istorel, pe tennañ d'ar yezhoù keltiek.

Notenn

Diwar ar ger Keltia e teu ar ger keltieg. Tud zo a ra gant kelteg, savet diwar ar ger kelt.

Ar c'hwec'h bro geltiek

Bro	Anv keltiek	Yezh	Pobl	Niver a dud	Niver a yezherien
Bro-Skos	Alba	Gouezeleg Skos (Gàidhlig)	Skosed	5m	92 400 (1,8%)
Iwerzhon	Éire	Iwerzhoneg (Gaeilge)	Iwerzhoniz	6m	355 000- 1,8 milion (5,9%)
Enez-Vanav	Ellan Vannin	Manaveg (Yn Ghaelg)	Manaviz	70 000	< 1 700 (< 2,4%)
Kembre	Cymru	Kembraeg (Cymraeg)	Kembreiz	3m	> 750 000 (> 25%)
Kernev-Veur	Kernow	Kerneveureg (Kernewek)	Kerneveuriz	500,000	3 500 (0,7%)
Breizh	Breizh	Brezhoneg	Bretoned	4m	206 000 (4,7%)

Keltia

Asturies • Bro-Skos • Breizh • Enez-Vanav • Galiza • Iwerzhon • Kembre • Kernev-Veur
Gwelout ivez : Ar Gelted • Ogham • Yezhoù keltiek • Rouantelezhioù brezhon • Enez Vreizh • Galia

Levr

• Toute l'histoire des pays celtiques, Skol Vreizh.