.380 ACP
Arabat eo droukveskañ gant .38 ACP.| .380 ACP | |
|---|---|
 Ur gartouchenn .380 ACP, stumm FMJ (Full Metal Jacket) | |
| Perzhioù | |
| Kalibr | .380 / 9,65 mm |
| Doare korf an douilhez | kreuzenn |
| Doare skeiñ | e-kreiz |
| Bro orin |  Stadoù-Unanet Amerika Belgia (hervez ar CIP)
|
| Muzulioù | |
| Ø bannadell | 9 mm |
| Ø trogleuziñ | 8,8 mm |
| Ø kolier | 9,5 mm |
| Ø korf an douilhez | 9,5 mm |
| Ø strad | 9,5 mm |
| Tevder ar strad | 1,1 mm |
| Hirder an douilhez | 17,3 mm |
| Hirder ar gartouchenn | 25 mm |
| Perzhioù all | |
| Pouez ar vannadell | 3 - 6 g |
| Tizh mont e-maez V0 | 312 - 559 m/s |
| Energiezh ar vannadell | 275 - 457 J |
| Lezenn | |
| Rummad e Bro-C'hall | B |
An .380 ACP (evit Automatic Colt Pistol), anvet ivez .380 Auto, 9 × 17 mm, 9 mm Browning, hag hervez ar broioù 9 mm Short, 9 mm Kurz, 9 mm Corto pe 9 mm Browning Court (e anv ofisiel hervez ar CIP) zo ur munision evit an armoù-dorn ijinet gant John Browning ha kinniget gant an embregerezh Colt e 1908 evit e bistolenn Colt Model 1903 Pocket Hammerless. Deveret eo eus ar c'hartouchennoù .38 ACP.
Implij
[kemmañ | kemmañ ar vammenn]Gwerzhet e voe er Stadoù-Unanet adalek 1908 hag en Europa adalek 1912. Implijet e voe evel kartouchenn standart gant armeoù un nebeud broioù a-raok an Eil Brezel-bed : Tchekoslovakia, Hungaria, Italia (er Beretta M1934), an Izelvroioù ha Yougoslavia. Kemeret e voe e blas gant ar c'hartouchennoù galloudusoc'h 9 mm Parabellum ha 9 mm Makarov hervez ar broioù goude ar brezel. Kalz ofiserien eus ar Wehrmacht a implije anezhañ e pistolennoù Walther PPK prenet gante o-unan.
An .380 ACP zo e-touez ar c'halibroù poblekañ evit an armoù-dorn goude an 9 mm Parabellum hag ar .45 ACP[1]. An holl broduerien armoù-dorn brudet a-vremañ (Glock, CZ pe SIG Sauer en o zouez) a werzh armoù kambret er c'halibr-mañ. Gellet a ra bezañ implijet e armoù-dorn bihan pe etre a-drugarez d'e hirder ha d'e ledander izel[1].
Al Liberator, unan eus an armoù kentañ a c'halled fardañ gant ur voullerez 3D, a zo kambret e .380 ACP[2].
Daveennoù
[kemmañ | kemmañ ar vammenn]- ↑ 1,0 ha1,1 (en) HODGDON Michael, Top 5 most popular handgun calibers, SSP Firearms (lennet d'an 22/08/2024)
- ↑ (en) GREENBERG Andy, Meet The 'Liberator': Test-Firing The World First Fully-Printed 3D Gun, war Forbes, 06/05/2013 (lennet d'an 23/08/2024)
- taolenn ar munision war lodenn TDCC lec'hienn ar CIP
