SIG Sauer
SIG Sauer AG zo un embregerezh armoù-tan hiniennel suis diazezet e Neuhausen, e kanton Schaffhausen. Swiss Arms AG a oa e anv a-raok 2020. Ganet eo diwar an embregerezh SIG (Schweizerische Industrie Gesellschaft), savet e 1853, a zo bremañ distag hag a brodu dafar da bakañ boued, ha diwar an embregerezh armoù alaman Sauer & Sohn, diazezet e Isny im Allgäu (Baden-Württemberg).
Istor
[kemmañ | kemmañ ar vammenn]
Savet e voe an embregerezh kentañ e 1853 dindan an anv Schweizerische Waggon-Fabrik bei Schaffhausen[1], gant tri den : an horolajer Heinrich Moser, ar politikour Friedrich Peyer im Hof hag an ofisour Conrah Neher-Stokar[2]. O fal e oa produiñ stlejerezhioù dre vurezh.
E 1860 e tivizas e renerien produiñ armoù evit respont da c'houlenn arme Suis. Adalek 1863 e produas ar fuzuilh Prélaz-Burdand evitañ. Friedrich Vetterli a renas rann armoù SIG adalek 1865[2]. Adalek 1869 e voe produet evit arme ar vro 140.000 skouerenn eus ar fuzuilh Vetterli[1].
Stag eo istor ar strollad ouzh goulennoù an arme suis, a voe pourveziet gant meur a arm all produet gant SIG evel ar bistolenn damaotomatek un-ober P210 (1949, 180.000 skouerenn), ar fuzuilh-arsailh SIG 510 (1953-1957, 700.000 skouerenn), ar bistolenn P220 e 9 mm Parabellum (1975, 140.000 skouerenn), hag ar fuzuilh-arsailh SIG 550 (1986-1999, 600.000 skouerenn)[1]. Ar bistolenn P220 a oa ganet goude e vije prenet an embregerezh alaman Sauer & Sohn gant SIG e 1971. D'ar mare-se e voe cheñchet anv an embregerezh da SIG Sauer. Perc'henn e voe SIG Sauer war an embregerezh Hämmerli ivez etre 1971 ha 2000[2].
260.000 skouerenn eus ar bistolenn damaotomatek SIG SP2022 a voe prenet adalek 2003 gant Bro-C'hall evit pourveziañ he nerzhioù polis, archeriezh ha maltouterezh[3]. Ar fuzuilh-arsailh SIG MCX a zo bet dibabet evel arm standart nevez gant arme ar Stadoù-Unanet e 2022, dindan an anv M7. Ur gartouchenn nevez, ar 6,8 × 51 mm, zo bet ijinet gant SIG evit an arm, ha degemeret eo bet evel unan eus kalibroù ofisiel armeoù AFNA goude[4].
Produioù
[kemmañ | kemmañ ar vammenn]
Pistolennoù
[kemmañ | kemmañ ar vammenn]- SIG P210
- SIG Sauer P220
- SIG Sauer P225
- SIG Sauer P226 (hag hec'h adstummoù 228 ha 229)
- SIG Sauer P239
- SIG Sauer P245
- SIG Sauer SP 2340
- SIG Sauer SP 2009
- SIG Sauer SP 2022
- SIG Sauer P320
- SIG Sauer P322
Fuzuilhoù
[kemmañ | kemmañ ar vammenn]Fuzuilhoù-emgann
[kemmañ | kemmañ ar vammenn]Fuzuilhoù-arsailh
[kemmañ | kemmañ ar vammenn]- SIG SG 540 (produet dindan aotre gant Manurhin e Bro-C'hall)
- SIG 550 (hag hec'h adstummoù SIG-551, SIG-552 ha SIG-553)
- M7
Fuzuilhoù-resisted
[kemmañ | kemmañ ar vammenn]- Sauer SSG 3000
Bannerezed-greunadennoù
[kemmañ | kemmañ ar vammenn]- SIG GLG 40
Fuzuilh dre aer gwasket
[kemmañ | kemmañ ar vammenn]- TG-1
Munisionoù
[kemmañ | kemmañ ar vammenn]- 6,8 × 51 mm (anvet .277 Fury ivez), bet savet evit programm reneveziñ armoù NGSW an arme stadunanat[5].
- Kartouchennoù a bep kalibr[6], plomoù evit an armoù dre aer gwasket.
Liammoù diavaez
[kemmañ | kemmañ ar vammenn]- (de)(en) Lec'hienn SIG Sauer
Daveennoù
[kemmañ | kemmañ ar vammenn]- ↑ 1,0 1,1 ha1,2 (en) About us war lec'hienn an embregerezh (lennet d'an 20/10/2025)
- ↑ 2,0 2,1 ha2,2 (fr) HARTINK A. E., L'encyclopédie des pistolets et revolvers, Maxi-Livres, 2004, ISBN 2-7434-4777-X, p. 197-198
- ↑ (fr) POLLONI Camille, Il suffira d'un SIG, Les Jours, 08/11/2018 (lennet d'ar 25/05/2025)
- ↑ (en) POPENKER Maxim, SIG Sauer NGSW-R MCX Spear XM5 assault rifle (USA), Modern Firearms (lennet d'an 20/10/2025)
- ↑ (en) LANE David, .277 Sig Fury (6.8x51): Ballistics, Vs. 5.56 and .308, and The Future, Bear Creek Arsenal, 10/05/2017 (lennet d'an 20/10/2025)
- ↑ (en) Rifle ammo war lec'hienn an embregerezh (lennet d'an 13/02/2024)
