SIG Sauer

SIG Sauer AG zo un embregerezh armoù-tan hiniennel suis diazezet e Neuhausen, e kanton Schaffhausen. Swiss Arms AG a oa e anv a-raok 2020. Ganet eo diwar an embregerezh SIG (Schweizerische Industrie Gesellschaft), savet e 1853, a zo bremañ distag hag a brodu dafar da bakañ boued, ha diwar an embregerezh armoù alaman Sauer, diazezet e Isny im Allgäu (Baden-Württemberg).

Istor

Ur stumm eus ar fuzuilh-arsailh SG 510 implijet e arme Sveden.

Stag eo istor ar strollad ouzh goulennoù an arme suis, a voe pourveziet gant meur a arm produet gant SIG en hec'h istor adalek kreiz an XIXvet kantved : en o zouez emañ ar fuzuilh Prélaz-Burdand (1860), ar fuzuilh tennata Vetterli (adalek 1869, 140.000 skouerenn), ar bistolenn damaotomatek un ober P210 (1949, 180.000 skouerenn), ar fuzuilh-arsailh SIG 510 (1953-1957, 700.000 skouerenn), ar bistolenn P220 e 9 mm Parabellum (1975, 140.000 skouerenn), ar fuzuilh-arsailh SIG 550 (1986-1999, 450.000 skouerenn).

260.000 skouerenn eus ar bistolenn damaotomatek SIG SP 2022 a voe prenet adalek 2003 gant Bro-C'hall evit pourveziañ he nerzhioù polis, archeriezh ha maltouterezh.

Produioù

Ur SIG-Sauer P220.

Pistolennoù

• SIG P210
• SIG Sauer P220
• SIG Sauer P225
• SIG Sauer P226 (hag hec'h adstummoù 228 ha 229)
• SIG Sauer P239
• SIG Sauer P245
• SIG Sauer SP 2340
• SIG Sauer SP 2009
• SIG Sauer SP 2022

Fuzuilhoù-arsailh

• SIG-550 (hag hec'h adstummoù SIG-551, SIG-552 ha SIG-553)

Ur fuzuilh tennañ a-bell Sauer SSG 3000

Fuzuilh tennañ a-bell

• Sauer SSG 3000

Banner greunadennoù

• SIG GLG 40

Fuzuilh dre aer wasket

• TG-1

Munisionoù

• Kartouchennoù a bep kalibr, plomoù evit an armoù dre aer wasket

Liammoù diavaez

• lec'hienn SIG-Sauer

Daveennoù

  Stag eo ar bajenn-mañ ouzh Porched an Armoù-tan