SIG-Sauer SP2022
| SIG-Sauer SP2022 | |
|---|---|
 Ur bistolenn SIG-Sauer SP2022 (stumm implijet gant ar polis e Frañs)
| |
| Kinnig | |
| Bro orin |  Suis Alamagn
|
| Doare | Pistolenn damaotomatek un-ober/daou-ober |
| Munisionoù | 9 mm Parabellum .357 SIG .40 S&W |
| Saver | SIG Sauer |
| Bloavezh krouidigezh | 1998 |
| Pouez ha muzulioù | |
| Mas (hep kartouchenn) | 830 g |
| Mas (karget e 9 mm Parabellum) | 987 g |
| Hirder | 185 mm |
| Hirder ar c'hanol | 98 mm |
| Perzhioù teknikel | |
| Tizh o vont e-maez | 350 m/s |
| Endalc'h | Karger fiñv 15 kartouchenn (e 9 mm Para) Karger fiñv 12 kartouchenn (e .357 SIG ha .40 S&W) |
| Lezenn | |
| Rummad e Bro-C'hall | B |
Ar SIG-Sauer SP2022 zo ur bistolenn damaotomatek ijinet ha produet gant an embregerezh SIG-Sauer. Gellet a ra bezañ kambret e 9 mm Parabellum, .357 SIG pe .40 S&W. Ur blatinenn SA / DA zo dezhi, hag ur c'harger uhel a-walc'h e endalc'h (betek 15 kartouchenn 9 mm). Un arm bihan ha skañv eo, savet e polimer, evit ezhommoù ar polis a rank dougen anezhañ e-pad an devezh.
Implij e Bro-C'hall
[kemmañ | kemmañ ar vammenn]E 2003 e oa bet choazet evit bezañ arm-dorn reolius meur a nerzh surentez e Frañs evel ar polis, an archeriezh pa ar valtouterezh. 260.000 skouerenn eus an arm a voe urzhiet evit ur sammad a 90 milion a euroioù. Ar wech kentañ e oa e veze pourveziet ar braz eus nerzhioù-surentez Bro-C'hall gant un arm-dorn savet en diavaez eus ar vro[1]. Anvet e voe an arm 2022 pa oa da vezañ pourveziet ar skouerennoù diwezhañ d'ar Stad er bloavezh-se. E 2023 e voe choazet an embregerezh stadunanat Speer evit pourveziañ 20 milion a gartouchennoù Gold Dot 9 mm da implijerien an SP2022 e nerzhioù surentez Frañs e-pad ar pevar bloaz da heul[2]. Arm-dorn standart eo c'hoazh hiziv-an-deiz er vro.
Levrlennadur
[kemmañ | kemmañ ar vammenn]- (fr) COURTOIS Jean-Louis Courtois, Le pistolet SP 2022, Crépin-Leblond, 2007, 318 p., ISBN
Daveennoù
[kemmañ | kemmañ ar vammenn]- (en) Mod-implij an SP2022 (pellgarget d'ar 05/10/2024)
- ↑ (fr) Emploi. Nicolas Sarkozy dégaine son Sig Sauer, e L'Humanité, 29/08/2003 (lennet d'ar 06/10/2024)
- ↑ (en) Speer Ammunition Awarded Duty Ammunition Contract For French Police, The Firearm Blog, 01/02/2023 (lennet d'ar 06/10/2024)
