Thierry Jigourel

Eus Wikipedia
(Adkaset eus Tieri Gwigourel)
Mont da : merdeiñ, klask

Thierry Jigourel, ganet d'ar 17 a viz Gwengolo 1960 en Oriant, a zo ur c'hazetenner ha skrivagner hag a skriv diwar-benn Breizh.

Kazetennerezh[kemmañ | kemmañ ar vammenn]

Skrivañ a ra diwar-benn Breizh war dachenn he geografiezh, sonerezh, istor pe speredelezh. Kenlabouraat a ra pe en deus graet gant meur a gazetenn (Pays de Bretagne, Armor, Ar Men, Artus, le Nouvel Ouest, Histoire médiévale, Histoire antique, l'Art de la guerre, Histoire et science des religions).

Dre ma 'z eo entanet-tre gant ar bedoù keltiek, en deus graet kalzik kelaouadennoù en Iwerzhon, e Bro-Skos, e Bro-Gembre pe c'hoazh er Stadoù Unanet evit ar gazetenn Celtics. Meret en deus ivez ar skridaozañ alaman ha spagnol evit ar gazetenn Celtia. Krouet ha meret en deus ar gazetenn Univers Celtes, war ar bedoù keltiek e kement stumm a zo .

Er mare-mañ e labour war senarioioù evit teulfilmoù, liammet gant ar bed keltiek.

Emrenerezh[kemmañ | kemmañ ar vammenn]

Arbennigour eo ivez war an Emsavioù emrener kement e Bro-C'hall hag en Europa. Skrivet en deus meur a bennad-skrid evit kazetennoù breizhat, gall pe european zoken.

En ul levr war ar "Gudenn vreizhat" (La Question bretonne), kenskrivet gant Erwan Chartier ha Ronan Larvor, en deus kondaonet ar ouennelouriezh hag an hollveliouriezh.

Drouizelezh nevez[kemmañ | kemmañ ar vammenn]

Stummet eo bet a-fet drouizelezh e Kelc'h Maksen Wledig gant e vestr Yann-Ber Tillenon. Goude bezañ skrivet un toullad pennadoù war an drouizelezh nevez, en deus skrivet ul levr war ar sujed-se, o reiñ ar gaoz da veur a berzhiad eus emsav nevez an drouizelezh (embannadurioù Coop Breizh, 2002)

Levrlennadurezh[kemmañ | kemmañ ar vammenn]

Kemeret en deus perzh e skridaozañ oberennoù a stroll :

Gantañ ha gant Jean-Luc Istin eo bet savet senario ar vandenn-dreset "Les Druides" (éditions Soleil), p'eo bet savet an tresadennoù gant Jacques La Montagne (3 lodenn a zo)

Liamm diavaez[kemmañ | kemmañ ar vammenn]