Somaliland

	Jamhuuriyadda Soomaaliland; جمهورية أرض الصومال; (Jumhūrīyat Arḍ Aṣ-ṣūmāl) ; Republik Somaliland
Banniel	Skoed-ardamez
	Ger-stur : لا إله إلا الله محمد رسول الله (arabeg); lā ilāhā illā-llāhu; muhammadun rasūlu-llāhi ; "N’eus Doue nemet Allah; Mohammed eo kannadour Allah"
	Kan broadel: Saamo ku waar
	Lec'hiadur Somaliland
Kêr-benn; (ha kêr vrasañ)	Hargeysa ; 9°33′N 44°03′R
Yezh(où) ofisiel	Somalieg hag arabeg
Gouarnamant	Republik
- Prezidant	Ahmed M. Mahamoud Silanyo
- Besprezidant	Abdirihman Abdillahi Ismailof Kulmiye
Dizalc'h	diouzh Somalia
- embannet	18 a viz Mae 1991
Gorread
- Hollad	war-dro 137 600 km²
Poblañs
- istimadur 2005	3 500 000 ()
- Stankter	26/km²
Moneiz	Shilling Somaliland (SLSH)
Gwerzhid-eur	(UTC+ 3)
- Hañv (Eur hañv)	(UTC+ 3)
Kod kenrouedad
Kod pellgomz	+252

Somaliland (Soomaaliland e somalieg) a oa gwechall un drevadenn saoz war aod Korn Afrika. E 1960 e oa bet unanet gant Somalia italian da vont d’ober Republik Somalia. D’an 18 a viz Mae 1991 e oa en em zistaget diouzh Somalia. Abaoe avat n’eo bet anavezet republik Somaliland gant gouarnamant estren ebet.

Emañ Somaliland etre Etiopia er c’hornôg hag er su, Djibouti er gwalarn, Pleg-mor Aden en norzh, ha rannvroioù emren Maakhir ha Puntland (Somalia) er reter. Harzoù Somaliland er reter n’int ket sklaer, rak n’eus ket emglev warno gant renerien Puntland ha Maakhir. Hargeysa eo ar gêr-benn.

Istor

Kregiñ a reas an trevadennerezh saoz e 1884. E-pad an Eil brezel-bed e voe aloubet gant arme Italia e 1940, ha staget ouzh an trevadennoù italian all (Eritrea, Somalia), hogen adaloubet e voe gant ar Saozon bloaz war-lerc'h.

D'ar 26 a viz Mezheven 1960 e teuas Somaliland da vezañ dizalc'h diouzh ar Rouantelezh Unanet. Ur vro anezhi hec'h-unan e voe e-pad pemp devezh a-raok en em unaniñ gant Somalia italian d'ar 1añ a viz Gouere, da vont d'ober Republik Somalia. Hogen e-pad pell e voe dizemglev etre ar meuriadoù disheñvel hag enebiezh etre o fennoù evit mont e penn ar vro.

Er bloavezhioù 1980 e voe brasoc'h-brasañ an dizemglev-se, ha da-heul bloavezhioù a emgannoù e voe embannet republik Somaliland, evel ur stad distag diouzh Somalia, e 1991. En em ren a ra abaoe evel ur stad dizalc'h met n'eo ket bet anavezet evel-se betek-henn er bed, daoust m'he deus darempred gant un nebeud stadoù en diavaez (Djibouti, Etiopia, Breizh-Veur...).

Levrlennadur

KOSTIOU Jeremi, Lakaat war wel ha treuzkas sevenadur Soomaaliland, e Le Peuple Breton/Pobl Vreizh, miz Genver 2021, niv. 684, p. 19.

Liammoù diavaez

Stadoù Afrika

Aljeria • Angola • Aod an Olifant • Benin • Botswana • Burkina Faso • Burundi • Djibouti • Egipt • Eritrea • Eswatini • Etiopia • Gabon • Gambia • Ghana • Ginea • Ginea-Bissau • Ginea ar C'heheder • Kab Glas • Kameroun • Kenya • Komorez • Republik Kongo • Republik Demokratel Kongo • Republik Kreizafrikan • Lesotho • Liberia • Libia • Madagaskar • Malawi • Mali • Maouritania • Maroko • Mozambik • Maoris • Namibia • Niger • Nigeria • Ouganda • Rwanda • São Tomé ha Príncipe • Senegal • Sechelez • Sierra Leone • Somalia • Soudan • Soudan ar Su • Suafrika • Tanzania • Tchad • Togo • Tunizia • Zambia • Zimbabwe

Tiriadoù dalc'het
Ceuta • Inizi Kanariez • Madeira • Melilla • Mayotte • Reünion • Saint Helena • Inizi Tchagos

Broioù ha n'int ket anzavet gant an holl
Azawad • Sahara ar C'hornôg • Somaliland