Hargeysa
Hargeysa zo ur gêr e Somalia. Kêr-benn Somaliland eo ivez, abaoe m'eo dizalc'h ar stad-mañ de facto, da lavaret eo abaoe 1991.
En amzer an trevadenniñ e oa Hargeysa kêr-benn Somaliland breizhveurat etre 1941 ha 1960, ar bloavezh ma voe unanet Somaliland gant Somalia italian da vont da sevel Republik Somalia.
Emañ e-kreiz torgennoù, war-hed 120 km diouzh arvor Pleg-mor Aden, tost a-walc'h da harzoù Etiopia. War-dro 450 000 a dud zo o chom e Hargeysa.