Soudan ar Su

The Republic of South Sudan; Republik Soudan ar Su
;
Banniel	Ardamezioù
	; Lec'hiadur
Kan broadel	South Sudan Oyee!
Yezh ofisiel	Saozneg
Kêr-benn	Juba
Gorread	619 745 km²
Poblañs ; • Hollad; ò Stankter	; 8 260 490 (2009); 13,3 /km²
Prezidant	Salva Kiir Mayardit
Moneiz	Lur susoudanat
Kod pellgomz	211
Kenrouedad	.ss (kinniget)

Soudan ar Su, pe Susoudan, ent-ofisiel Republik Soudan ar Su (Republic of South Sudan e saozneg), zo ur stad e-kreiz kevandir Afrika, distag diouzh Soudan abaoe an 9 a viz Gouere 2011. En-dro da Soudan ar Su emañ stadoù Soudan en norzh, Etiopia er reter, Kenya, Ouganda ha Republik Demokratel Kongo er su, hag ar Republik Kreizafrikan er c'hornôg. Juba eo ar gêr-benn.

Gwechall e oa ul lodenn eus Soudan. Goude bloavezhioù brezel en eil hanterenn an XX^vet kantved e oa bet un emglev peoc'h etre ar gouarnamant kreiz hag Luskad Pobl evit Dieubiñ Soudan. Hervez an emglev-se ez eus bet dalc'het ur referendom e 2011, etre an 8 hag 15 a viz Genver, evit gouzout ha fellout a rae da annezidi ar Su kaout ur stad dizalc'h pe chom e framm Soudan. 98,83% eus ar voterien o deus votet “ya” d'an dizalc'hiezh, hervez an disoc’hoù ofisiel embannet e miz C'hwevrer. Goude ar referendom-se eo bet embannet ar stad dizalc'h nevez d'an 9 a viz Gouere 2011, gant an anv Republik Susoudan (Republic of South Soudan e saozneg, ar yezh ofisiel). Statud rannvro Abyei, war an harzoù etre Soudan ha Soudan ar Su, n'eo ket sklaer c'hoazh hag ur referendom a zlefe bezañ dalc'het eno diwezhatoc'h evit gouzout hag-eñ e vo staget ouzh an norzh (Soudan) pe ouzh stad nevez ar su (Soudan ar Su).

Skeudennoù

Ur vag war an Nil.
tost Yei
Menez Lotokei

Rannoù melestradurel

Dek stad a ya d'ober ar vro. Hervez an emglev peoc'h e c'hallfe teir zachenn all dibab bezañ staget ouzh Soudan ar Su, pe neuze chom e framm an norzh: Nuba Moutains, Abyei ha Nil Glas. N’eo ket sklaeraet stad an teir zachenn-se c'hoazh.

Anv ofisiel saoznek	brezhoneg	Niver a annezidi (2006)	Kêr-benn
Upper Nile	Nil Uhel	1.212.979	Malakal
Lakes	al Lennoù	567.329	Rumbek
Central Equatoria	Equatoria Greiz	334.827	Juba
Unity (Western Upper Nile)	Unvez (Nil Uhel ar C'hornaoueg)	262.787	Bentiu
Jonglei	Jonglei	1.189.330	Bor
Western Equatoria	Equatoria ar C'hornaoueg	1.731.341	Yambio
Western Bahr el Ghazal	Bahr el Ghazal ar C'hornaoueg	1.467.870	Wau
Northern Bahr el Ghazal	Bahr el Ghazal an Norzh	826.646	Aweill
Eastern Equatoria	Equatoria ar Reter	225.872	Torit
Warrap	Warrap	999.785	Kuacjok

Stadoù Afrika

Aljeria • Angola • Aod an Olifant • Benin • Botswana • Burkina Faso • Burundi • Djibouti • Egipt • Eritrea • Eswatini • Etiopia • Gabon • Gambia • Ghana • Ginea • Ginea-Bissau • Ginea ar C'heheder • Kab Glas • Kameroun • Kenya • Komorez • Republik Kongo • Republik Demokratel Kongo • Republik Kreizafrikan • Lesotho • Liberia • Libia • Madagaskar • Malawi • Mali • Maouritania • Maroko • Mozambik • Maoris • Namibia • Niger • Nigeria • Ouganda • Rwanda • São Tomé ha Príncipe • Senegal • Sechelez • Sierra Leone • Somalia • Soudan • Soudan ar Su • Suafrika • Tanzania • Tchad • Togo • Tunizia • Zambia • Zimbabwe

Tiriadoù dalc'het
Ceuta • Inizi Kanariez • Madeira • Melilla • Mayotte • Reünion • Saint Helena • Inizi Tchagos

Broioù ha n'int ket anzavet gant an holl
Azawad • Sahara ar C'hornôg • Somaliland