Pierrette Kermoal

Eus Wikipedia
Sauter à la navigation Sauter à la recherche
Pierrette Kermoal

Pierrette Kermoal zo ur skrivagnerez hag un embannerez vrezhonek, bet ganet e 1942.

He buhez[kemmañ | kemmañ ar vammenn]

Ganet eo e Bergerac, e departamant Dordogne. Bevet he deus e Brest hag skoliataet eo bet di betek ar c'hlas Lizhiri Uhelañ (Lettres supérieures). Aet eo da genderc'hel studioù Lizhiri e skol-veur Roazhon. Desket he deus brezhoneg e Kelc'h Debauvais war un dro. Perzh he deus kemeret e SADED hag ESB. Kelennerez eo bet war al lennegezh c'hallek, al latin hag ar gresianeg e Roazhon.
Ganti eo bet krouet ar gelaouenn lennegel Aber hag an ti-embann gant ar memes anv. Perzh he deus kemeret e bodad-lenn Kemper ha da bodadoù-lenn all.

Hec'h atapioù[kemmañ | kemmañ ar vammenn]

Troet eo he spered war du lennegezh ar bed hag hini savet e brezhoneg hag e pleustr war un dachenn ha n'eus ket kalz a dud warni, ar skridvarnerezh. Pleustret he deus kalz war oberennoù Kervarker, Yann-Ber Kalloc'h, Tangi Malmanche ha Roparz Hemon. Kavout a ra dezhi eo a-bouez bras ivez, re Ronan Huon, Goulc'han Kervella, Jorj Abherve-Gwegen ha Paskal Tabuteau. Skrivañ ha studiañ ar brezhoneg klasel eo he fal.

Menegadurioù[kemmañ | kemmañ ar vammenn]

"Va labour e brezhoneg a ran e sell an dazout [sic]. Ur glaoustre eo, sur, met al lennegezh,—- hag ar c'hrouin, en un doare hollek — zo sichenn buhez ur vroad : mar bez freuzet pep tra, mar chom an arz hag al lennegezh, e c'heller o sevel bepred."[1] (En ur c'hrouiñ Aber) "e felle din digeriñ hentoù nevez d'hon lennegezh o sankañ adarre en henvoazelezh, hag er rannyezhoù, pe zoken, en isrannyezhoù."

Oberennoù[kemmañ | kemmañ ar vammenn]

Oberennoù faltazi[kemmañ | kemmañ ar vammenn]

  • Skleur en noz, teskad danevelloù, Aber 2006
  • Huñvre d'an Hollsent, danevell e meur a zaolenn, Aber 2008
  • War an treuzoù, danevelloù, Aber 2011
  • Sklisennoù, Aber 2017

Meur a zanevell e kelaouennoù Preder, Al Liamm hag Aber.

Oberennoù skridvarnerezh[kemmañ | kemmañ ar vammenn]

  • Eus Gwarizi vras Emer da vMari-Vorgan: Kentañ studiadenn war oberennoù Roparz Hemon (in Preder, Kaier 91 - Genver 1967. 59 p. liesskrivet)
  • A-youl ar gwent, ur studiadenn diwar-benn barzhonegoù Roparz Hemon, embannet e ti Aber.
  • Un ene tan : Studi personelezh hag oberenn Roparz Hemon (Emb. Aber 2002)
  • Liorzh al lennegezh : Arnodskridoù. (Emb. Aber 2006)
  • Dre lennegezhioù ar bed, e kenlabour, Aber 2008

Troidigezhioù[kemmañ | kemmañ ar vammenn]

Levrlennadurezh[kemmañ | kemmañ ar vammenn]

  • Un emgav gant… Pierrette Kermoal, In : Ya!, n° 783, 12 Even (Mezheven) 2020

Ereoù diavaez[kemmañ | kemmañ ar vammenn]

  1. Ya!, n° 783, 2020.